Дэлхийн шинэ тэрбумтнуудын 90 хувь нь хятадууд байна

 

 

\”Hurun” судалгааны байгууллагаас Дэлхийн баячуудын
шинэ жагсаалтаа гаргажээ. Энэ жагсаалтаар дэлхийд шинээр тэрбумтан болсон
хүмүүсийн 90 хувь хятад хүн байгааг тогтоожээ. Түүнчлэн тэрбумтнуудын хотоор
Бээжин тодорчээ. Бээжин хотод 100 тэрбумтан байгаа бол Нью-Йорк хот 95
тэрбумтантайгаар хоёрт жагсчээ.

 

\”Hurun” судалгааны байгууллагын судалгаагаар дэлхийн тэрбумтнуудын тоо энэ онд
өнгөрөгч оныхоос 99-ээр нэмэгджээ. Үүний 90 нь Хятад болон тус улсын харьяа Хонконг,
Макаогоос тодорсон бол үлдсэн 9 нь дэлхийн бусад оронд хуваагджээ. Тэгвэл энэ
онд дэлхийн тэрбумтнуудын тоо 99-ээр нэмэгдсэнээр дэлхий нийтдээ 2188
тэрбумтантай болж байгаа аж.

 

Үүний 568 нь хятадууд бол, 535 нь америкчууд гэнэ.
Хятад Улс сүүлийн үед АНУ-тай тэрбумтнуудынхаа тоо болон, тэрбумтнуудынхаа
хөрөнгөөр ихээхэн өрсөлдөж байгаа бөгөөд Хятадын 568 тэрбумтны нийт хөрөнгө 1.4
их наяд ам.долларт хүрсэн аж. Хэдийгээр өнгөрсөн
онд дэлхийн эдийн засгийн өсөлт удаашралтай байсан ч дэлхийн тэрбумтнуудын тоо
энэ жил өнгөрсөн оныхоос 9 хувиар өсч, дэлхийн нийт тэрбумтнуудын хөрөнгө 7.3
их наяд ам.долларт /2016 оны нэгдүгээр сарын 15-ны байдлаар/ хүрчээ.

 

Тэгвэл хамгийн олон
тэрбумтантай хотуудын жагсаалтын гуравт Москва 66 тэрбумтантайгаар оржээ. Харин
энэхүү жагсаалтын эхний аравт Бээжингээс гадна Хятадын Шанхай, Гуанжоу, Шеньжень
хотууд багтсан байна. Тэгвэл АНУ-ын алдарт \”Форбес” сэтгүүлээс гаргадаг \”Дэлхийн
хамгийн баян 100 хүн” жагсаалтад Хятадын 9 хүн багтаж, Хятадын хамгийн баян хүн
Ван Зяньлинь энэхүү жагсаалтын 27-д 25 тэрбум ам.долларын хөрөнгөтэйгөөр
бичигджээ. Мэдээж энэхүү жагсаалтыг
АНУ-ын иргэн, \”Майкрософт” корпорацийн эзэн Билл Гейтс тэргүүлсэн юм.

 

Төгс