Монголчууд ОХУ-ын эдийн засгийг \”сэргээв\”

$\"\"$

Энэ сарын 3-нд ОХУ-ын Ерөнхийлөгч Владимир Путин Буриадын тэргүүн Вячеслав Наговицынийг Ново-Огарево дахь өргөөндөө хүлээн авлаа. Кремлийн хэвлэл мэдээллийн албанаас мэдээлснээр Ерөнхийлөгч Буриадын нийгэм, эдийн засгийн байдалтай гүн гүнзгий танилцахыг хүссэн аж.

Вячеслав Наговицын юуны өмнө \”Өнгөрсөн 2015 он хачирхалтай нь бидний хувьд тун амжилттай жил байлаа” гээд анх удаагаа Буриад ОХУ-ын муж, хотууд дунд жижиглэн худалдаагаар тэргүүн байр эзэлснээ онцолсон байна. Хачирхалтай гэдгийн учир нь эдийн засгийн хориг арга хэмжээний улмаас улс даяар хямралд ороод байхад Буриад тун ашигтай ажилласан аж. \”Манай аж үйлдвэрийн индекс 102.3 хувь байлаа. Тээвэр, аж үйлдвэрийн салбар сайн ажилласан. Олон тооны нисдэг тэрэг экспортод гаргалаа. Мод бэлтгэлийнхэн хичээн ажилласны дүнд бид 32 хувийн өсөлттэй гарсан” гэж ярив.

Ашиг орлоготой ажилласнаа Буриадын тэргүүн Монгол Улстай харилцан визгүй болсон явдалтай холбон тайлбарлаж байна. Энэ талаараа Вячеслав Наговицын \”Монголтой визгүй болгосонд тань баярлалаа гэж хэлэхгүй бол болохгүй. 2014 оны 11 дүгээр сард визгүй болсноос хойш жуулчид маш их ирж байна. Өнгөрсөн оны 12 дугаар сард хилийн боомтоор өдөрт 3000 машин нэвтэрч байлаа. Урьд нь өдөрт 300 машин ирдэг байсан гэхээр 10 дахин нэмэгдсэн гэсэн үг. Монголчууд манайд ирж, хувцас хунар их худалдан авч байна. Тиймээс жижиглэн худалдаа маш их өслөө. Тэглээ гээд бараа таваар хорогдсон зүйлгүй, үнэ ч өсөхгүй байгаа тул бид сэтгэл хангалуун байгаа. Өмнө нь бид Монголд худалдан авалт хийдэг байсан бол одоо тэд манайд ирдэг болсон” хэмээжээ.

Харин Буриадын хөдөө орон нутагт өнгөрсөн жилийн ган гачгийн улмаас амжилт тааруухан байжээ. Гэхдээ улсаас авсан тусламжийн ачаар мал сүргээ их хэмжээний хохиролгүй авч үлдэж чадсан аж. Малын тэжээл, үр буудай хангалттай бэлтгэсэн тул энэ жил санаа зовохгүй байгаагаа В.Наговицын илэрхийлсэн. Уулзалтын үеэр В.Путин Буриадын эрчим хүч, байгаль, экологийн асуудлыг сонирхон асуусан байна.

$\"\"$

Монголчууд ОХУ-ын эдийн засгийг \”сэргээв\”

Related Posts

Шинэ мэдээ