Ө.Энхвүшин \”өмчөө хамгаалж\” иргэдийн эрх ашгаар халхавч хийж байна

 

 

Автомашин болон сэлбэг, үйлчилгээний томоохон захуудыг хооос гаргаж, Авто
худалдааны нэгдсэн төвд байршуулах шийдвэрийг нийслэлээс гаргасан. Гэвч энэ нь
олон жил дагнан үйл ажиллагаагаа явуулж, тухайн орчинд өөрийн амьдрал ахуйг
төвөхнүүлсэн худалдаа эрхлэгчдэд хүндхэн шийдвэр болоод байгаа юм.

Гэсэн ч хотын агаарын бохирдол, түгжрэл, хөрсний бохирдол зэрэг асуудлуудыг
шийдвэрлэхийн тулд томоохон авто захуудыг нийслэлээс гаргах нь зөв шийдэл
гэдэгтээ санал нэгдсэн. Өөрөөр хэлбэл нийтлэг эрх ашгийг хамгаалахын тулд зарим
нэгний эрх ашиг зөрчигдөхөөс аргагүй байдал бий болоод байгаа юм.

Тэгвэл эрх ашиг нь зөрчигдөж байгаа автомашин, сэлбэг, техникийн худалдаа
эрхлэгчидтэй МАН-ын гишүүд очиж уулзаж, санал бодлыг нь сонссон байна. Мөн худалдаа
эрхлэгчдийн хүсэлтээр \”нүүлгэхгүй байх” тал дээр дэмжиж ажиллана гэдгээ ч
мэдэгджээ. Ерөнхийдөө \”Авто захыг битгий нүүлгэ” гэдэг шаардлагыг МАН-ын гишүүн
Ө.Энхтүвшин тэргүүтэй хүмүүс НИТХ-ын дарга Д.Баттулгад тавьж л дээ.

Сонгууль дөхөөд л МАН-ынхан АН-ын хийж хэрэгжүүлж байгаа болгоныг
буруутгаж, өөрсдөө оноо цуглуулж байна гэж тайлбарлах нь бий. Энэ утгаараа ард
иргэдэд л сайн, сайхан үр нөлөөлөл өгч байвал АН нь байна уу, МАН нь байна уу
хэнд хамаа байх вэ.

Гэвч \”авто захыг битгий нүүлгэ” гэсэн шаардлагын цаана шал өөр асуудал
явагдаад байгааг сүүлд мэдлээ. Тодруулбал, энд маш том ашиг сонирхлын зөрчил
нуугдаж, өмнөө ард иргэдийн эрх ашгаар халхавч хийж байна.

Монгол Улсад \”Ашиг сонирхлын зөрчлөөс урьдчилан сэргийлэх тухай” хууль
хэрэгжиж байгаа. Энэ хуулиар төрийн түшээдийг өөрийн ашиг сонирхлынхоо дагуу
шийдвэр захирамж гаргаж, бусдад хохирол учруулахыг хориглодог гэж ерөнхийд нь
ойлгож болно. Тэгвэл МАН-ын гишүүдийн гэнэт хийсэн энэхүү айлчлал, авто захуудад
ажилладаг хүмүүстэй уулзсан энэ уулзалт нь өөрөө маш том ашиг сонирхлын
зөрчилтэй байжээ. Мэдээж үүнийг батлахад маш ойлгомжтой, тодорхой тайлбар
хэрэгтэй.

Тэгвэл дээрх үйл ажиллагааг удирдсан УИХ-ын гишүүн Ө.Энхтүвшин нь \”Собу”
ХХК-ийн 50 хувийг эзэмшигч юм байна. Үүнийгээ өөрийнхөө хөрөнгө орлогын
мэдүүлэгт ч тусгажээ. Тэгвэл түүний олонх хувийг нь эзэмшдэг \”Собу”
ХХК нь Баянзүрх дүүргийн 14 дүгээр хорооны нутагт байрших \”Өгөөмөр”
авто худалдааны захыг бүхэлд нь эзэмшиж, үйл ажиллагааг нь хариуцдаг байх юм. Эндээс
\”Өгөөмөр” зах нь УИХ-ын гишүүн Ө.Энхтүвшингийнх юм гэх ойлголтыг авч байгаа
биз.

 

Тэгвэл Ө.Энхтүвшин нь \”авто захуудыг битгий нүүлгэ” гэсэн шаардлагыг
НИТХ-ын дарга Д.Баттулгад өгч болох хүн мөн үү. Ийм шаардлага хүргүүлсэнээрээ
өөрийн бизнесийг хамгаалсан маш том ашиг сонирхлын зөрчил гаргажээ гэж
ойлгогдож байна. Ер нь УИХ-ын гишүүд хууль зөрчих нь бий. Түүнийгээ ч янз бүрээр
тайлбарлаад, асуудлаас мултардаг. Гэвч Өгөөмөр захыг нүүлгэхгүй байх Ө.Энхтүвшингийн
\”ашиг сонирхол” нь \”ард иргэдийн төлөө яваа” юм шиг дүр үзүүлж байгаа нь
харамсалтай.

УИХ-ын гишүүнийхээ эрх ямбыг ашиглаад хувийнхаа зүйлийн төлөө явж байна.
Ингэхдээ НИТХ-ын даргатай уулзахдаа \”өөрийнхөө төлөө биш тэнд байгаа хүмүүстэй
уулзаад тэр хүмүүсийн саналыг уламжилж байна” хэмээн тайлбарлаж явсан байх юм. Ерөөсөө л өөрийн хувьцаа эзэмшдэг компанийхаа эрх ашиг хөндөгдөөд,
түрээслэгчид нть хэзээ мөдгүй \”авто худалдааны төв” рүү нүүх болоод ирэхээр \”ард
иргэдийн эрх ашиг” ярьж яваа бол энэ хүнтэй дахин юу ч ярих вэ.

Олон жил төрд түмний төлөөлөл болсон. Гэвч энэ хугацаанд түмний төлөөлөл
байж чадсан уу, үгүй юу. Эсвэл хувьцаагаа хамгаалж, хэдэн компаниудыг өмгөөлж,
улс орны нийтлэг эрх ашгийг зөрчсөөр байсан уу?

Ер нь авто худалдааны төвүүдэд очиж, иргэдтэй уулзаж санал бодлыг сонссон
гэх МАН-ын гишүүдийн ихэнх нь ийм ашиг сонирхлын зөрчилтэй байсан гэдгийг эх
сурвалжууд мэдээлж байна. Тэгвэл ийм л хүмүүс бидний, ард иргэдийн нэрийг барьж
өөрийн хөрөнгийг хамгаалж, төрийн байгууллагад хөндлөнгөөс нөлөөлж байна. Тэд
биднийг төлөөлж чадах уу…

А.Аюуш