Ой тогтоолтын насанд хүрэгчдийн дэлхийн аварга, Олон улсын Их Мастер, Монголын Оюун Ухааны Академийн ихэр тамирчид болох Н.Мөнхшүр, Н.Энхшүр нар “Гайхалтай хүмүүс” нэвтрүүлэгт оролцохоор болжээ.
Тодруулбал, ОХУ-ын Россия-1 телевизийн “Incredible People” буюу “Гайхалтай хүмүүс” нэвтрүүлгээс МОУА-ийн тамирчдад урилга ирүүлжээ. Ингэснээр тус академийн захирал, дасгалжуулагч Х.Хатанбаатар, ой тогтоолтын дэлхийн аварга, олон улсын их мастер Н.Мөнхшүр, Н.Энхшүр гурав тус нэвтрүүлэгт оролцох юм байна.Тэд гурван долоо хоногийн дараа ОХУ-ыг зорих аж.
Энэ тухай Монголын Оюун Ухааны Академийн Х.Хатанбаатар “ОХУ-ын Москва хотноо Россия-1 телевизийн “Incredible People” буюу “Гайхалтай хүмүүс” нэвтрүүлэгт хоёр шавийн хамт оролцооч гэсэн урилга ирлээ. Гурван долоо хоногийн дараа тус улс руу хүлгийн жолоо зална.Монгол хүний оюуны потенциалыг гайхуулаад ирье дээ” гэж цахим хуудаснаа бичжээ.
МОУА-ийн ихэр тамирчид болох Н.Мөнхшүр, Н.Энхшүр нар нь БНХАУ-ын Шенжень хотод болсон 100 мянган ам.долларын шагналын сантай ой тогтоолтын тэмцээнд амжилттай оролцон дэлхийн рекордыг шинэчилж, Гиннесийн номонд бичигдсэн юм.
Тодруулбал, Шведийн тамирчин 30 минутад 5040 цифр цээжилсэн дээд амжилтыг Н.Мөнхшүр 5325 цифр болгож, Н.Энхшүр 5445 цифр болгон дэлхийн рекордыг эзэмшихээр болсон билээ.
Ёстой гайхамшигийн эзэн охид! Монголчуудын оюуны чадавхыг хөгжүүлж, дэлхийд гайхагдах хэмжээнд хүргэж чадсан Хатанбаатар багшид төрийн соёрхол, гавьяат, ардын гэх мэт шагналыг харамгүй өгөх хэрэгтэй. Ерөнхийлөгч маань мэдэж л байдаг байгаа даа? Ой тогтоолтын, түргэн уншлагын, гадаад хэл сургалтын гэх мэт сургалтын шинэ арга технологийг бүх шатны сургуульд нийтээр нь нэвтрүүлэх арга хэмжээ авах хэрэгтэй. Тэгвэл бүр гайхамшиг болно доо!!!
Jenko eronhiilugch gartaa bulchintai huniig shagnah bha da ghde yumiig yaj medhev hehe
ЁСТОЙ БАХАРХМААР ЮМ. ЭЛДЭВ БАЛАЙ ХОВ ЖИВ, НААДАМ НАЙР, УЛС ТӨРӨӨС ӨӨР МЭДЭЭ СОНСОХ САЙХАН Ч ЮМ АА. ГАЗАР ДЭЛХИЙ ХУРАА ИХ ХАЙРЛАЖ ХОГ ШОРООГОО ЦЭВЭРЛЭЖ, ХҮМҮҮСИЙН СҮЙТГЭСЭН, СҮЙРҮҮЛСЭН ГАЗРЫГ СЭРГЭЭХ ГЭЖ НЭГ ТАЛДАА НИРГЭЖ Ч БАЙХ ШИГ. ХАЖУУГААР НЬ ИЙМ МЭДЭЭ СОНСОХ САЙХАН БАЙЛАА. ТА 3-Т УЛАМ ИХ АМЖИЛТ ХҮСЭН ЕРӨӨЕ. НЭВТРҮҮЛГИЙГ НЬ ЗААВАЛ ОЛЖ ҮЗНЭЭ.
Tarhnii bulching demjih tsag irjee