Тамирчин хүн \”долоо хоног өмссөн оймс\” үнэ тохирч зарна …

 

УИХ-ын дарга З.Энхболд руу улс
төрийн зорилго өвөрлөн шидэгдсэн оймс олны анхаарлыг ихэд татаж байна. Тээр жил
АТГ-ын албан хаагчид МАХН-ын дарга Н.Энхбаярыг оймсыг нь гозолзуулаад л авч одсоны дараа \”Янмал”-ын оймс эрэлтэй
байсан. Ямар сайндаа л \”АТГ-ын нэг дарга нь Янмалын үйлдвэр ажиллуулдаг. Ядаж л
түүнээс хувь хүртдэг байж таараа. Үгүй бол Монгол Улсын Ерөнхийлөгч байсан
хүнийг гутлыг нь өмсүүлээд гарах байсан” гэгчлэнгийн тайлбарууд цацагдаагүй юу.

 

Өчигдөр З.Энхболд руу чиглэсэн оймс
ч бас иймэрхүү зорилготой байж мэдэх юм. \”Янмал”-д зах зээлээ түрүүлсэн \”Тод”,
эвсэл Эрээнэн град хотын үндэсний үйлдвэрлэгчид, ер нь л ямар нэгэн оймс
үйлдвэрлэдэг \”том бүлэглэл”-ийн захиалгаар энэхүү ажиллагаа үйлдэгдсэн байж
болзошгүй болоод байна. \”Эдийн засгийн алуурчин” гэж хэлээд л шидэгдэж буй тэр
оймсонд маш том зорилго байжээ л гэж хэлэх гээд байгаа юм.

Яагаад оймсны үйлдвэрүүдийг ингэж
хардах болов гэвэл барааны, тэр дундаа оймсны лангуунууд өнөөдөр ачаалал
өндөртэй ажиллаж байна гэнэ. Худалдан авагчид нь ихэнх нь эрчүүд бөгөөд бараан
өнгийн оймс голчлон зарагдаж байгаа аж. Гэхдээ нэг сонин нь худалдан авагчид
өрөөсөн оймс авахыг ихэд хүсч байна гэнэ ээ. Авч байгаа бол хосоор нь л авахгүй
юу гэсэн \”өмсөх гээгүй эсэргүүцэл илэрхийлэх зорилгоор ашиглах гэж байна” гэж
хариулсан байгаа юм.

Цалингаа тавьдаггүй захиралд, ааш
муутай эхнэрт, шаардлага өндөр албаны даргад гээд л төлөвлөж, товлож байгаад л
авч байгаа бололтой.

Зарим дэлгүүрүүдийн оймс дуусч
фейсбүүк, твиттеэрээр эрэл сурал болж байна. Бүр шагандаа орсон тухай ч яригдах
боллоо. Үүнийг анзаарсан бизнес сэтгэлгээтнүүд өөрийн өмсч байсан, өмсч байгаа
оймсоо үнэ оруулан дуудлагаар худалдаалах болсон байна.

Ингэж явсаар зарим оймсонд генийн
шинжилгээ хийж улс төрийн зорилгоо ашиглахад байгаа онох, байндаа яг тусах
зэрэг байдлаар нь квот, үнэлгээ тогтоож эхэлжээ.

 

 

Жишээлбэл долоо хоног хөлнөөсөө
салгаагүй тамирчин хүний оймс байгаа онох магадлал маш өндөр, мөн мансууруулагч үнэртэн агуулсан байгааг нь
тогтоосон байх юм. Харин дэлгүүрээс авсан цэвэр хөвөн даавуун оймс байндаа
тусалгүй замдаа унаж болзошгүй, зарим тохиолдолд бай нь бултах, бултаж чадахгүй
байлаа гэхэд эсэргүүцлийг ойлгохгүй өнгөрөх зэрэг шинж тэмдэгүүд ажиглагджээ.

Ер нь залууст эсэргүүцлээ оймс
шидээд илэрхийлэх нь хамгийн хялбар бөгөөд ойлгомжтой арга хэлбэр гэж санагдсан
байна. Тиймээс л дэлгүүр хоршоод ачаалал авч, онлайн худалдаа идэвхжиж байна л
даа.

Би бас өглөө өмсч ирсэн хоёр оймсоо
эхнэртэй уурласан нэг залууд өгчихлөө. Тэгээд надад эсэргүүцэл илэрхийлэх хэрэг
гарвал яана аа гэж бодоод л сууж байна. Миний оймсыг авсан залуугаас хоёуланг
нь эхнэртээ зориулах юм уу нэгийг надад үлдээчих л дээ гэсэн \”Нэгийг нь эхнэрт
нөгөөг нь хадам ээжид” гэдэг байгаа. За тэр ч хууль ёсоор яахав зарагдсан бараа
буцаахгүй дүрмээ дагах байлгүй.

Ер нь оймс чинь цаад хүндээ нэг их
хохирол учруулахгүйгээр эсэргүүцлээ илэрхийлчих зөв сонголт юм аа даа, янз нь.
Гутал энэ тэр байсан бол эрүүгийн хэрэг үүсээд балрахгүй юу. Тийм зүйлгүй
болохоор манай залуус харин ч нэг оймсдож өгч байна аа. Эсэргүүцэл илэрхийлэх
зүйл байвал оймсдоод бай, оймсдоод бай. Эдийн засаг ч сэргэнэ, стресс ядаргаа ч
тайлагдана. Энэ бүгдийн дараа өнөөх өрөөсөн оймснуудаа харин яадаг юм байгаан.

 

Шар хүү