![\"\"](http://undesten.mn/uploads/posts/2016-04/1459567917_yam1.jpg "\\"\\"")
Бүгд Найрамдах Солонгос Улсын аялал жуулчлалын онцгой бүс Чежү хотод гадаадын иргэд 30 хүртэлх хоногийн хугацаанд визгүй зорчдог. Гэтэл сүүлийн үед манай улсын иргэд тус хотын хилийн шалган нэвтрүүлэх, цагаачлалын албанд саатуулагдаж, хил нэвтэрч чадахгүй нутаг буцах тохиолдол цөөнгүй гарч байна.
Үүний гол шалтгаан нь тухайн иргэн өмнө нь БНСУ-д зорчихдоо визийн хугацаа хэтрүүлсэн, хууль бусаар оршин сууж байсан, эрүүгийн болон захиргааны гэмт хэрэг зөрчилд холбогдож байсан зэрэгтэй холбоотой аж.
Мөн буцах онгоцны тасалбар, зочид буудлын захиалгын баталгаа, биедээ авч яваа бэлэн мөнгөтэй эсэх зэргийг харгалзан тус улсын цагаачлалын албанаас ярилцлага хийсний үндсэн дээр хил нэвтрүүлэх эсэх шийдвэрийг гаргадаг байна.
Иймд БНСУ-ын Чежү хот руу аялахаар төлөвлөж буй иргэд аялалын зорилгоо нотлох баримт бичгийн бүрдлийг сайтар хангаж зорчихыг Гадаад хэргийн яамнаас анхааруулж байна.
![\"\"](http://undesten.mn/uploads/posts/2016-04/1459567839_logo.jpg "\\"\\""){kind=logo}
