Н.Энхбаяр ирж тэдэнтэй \”сэм тохиров\”

Н.Энхбаяр ирж гэнэ. Хэзээ гэж үү.
Өчигдөр оройхон л ирсэн бололтой. Тэгээд ирмэгцээ л шуурхайлан улс төрийн
хэлэлцэлд орсон байна. Ингэхдээ эртний анд Н.Алтанхуяг,
УИХ-ын дарга З.Энхболд, одоо нэгдүгээр хүнтэй дайтаж байгаа МоАХ-ны тэргүүн,
УИХ-ын гишүүн Х.Баттулга нартай уулзаж, нууцхан тохироо хийжээ гэж эх
сурвалжууд мэдээлэх боллоо.

Яагаад нууц биш нууцхан гэж вэ
хэмээн асуумаар байвал, хэн нэгэн тэдний уулзалтын талаарх мэдээллийг гадагш
задруулчихсан учраас л нууц мөртлөө ил хэлэлцээр боллоо л гэсэн тайлбарыг өгнө
дөө.

Тэгвэл тэд яг юу ярив. Эх сурвалжийн
хэлж байгаагаар Монгол Улсын нэгдүгээр хүний эрх мэдлийг хязгаарлах тал дээр
тохироо хийсэн гэв. Тухайлбал, Нэгдүгээр хүн гурван үсэгтэй \”айхтар” газрын
даргыг томилох бүрэн эрхтэй. Тиймээс ч өөрийнхөө хүмүүсийг тэнд томилж, улс
төрчдийг намнаад байна гэж хардах хүмүүс бий. Тэгвэл магадгүй үүнтэй
холбоотойгоор нэгдүгээр хүн бус харин УИХ \”гурван үсэгтэй газар”-ын даргыг
томилдог чөлөөлдөг болвол ямар вэ гэсэн тохиролцоо хийсэн байж болзошгүй байгаа
юм. Мөн яаравчлан хуулийн төсөл баталж, өөрсдийнхөө эрх мэдлийн хүрээнд
олонхийн саналаар дэмжихээр болж.

Тэд ийн ярилцахад хүртлээ зовж,
шаналж байгаа нь ойлгомжтой. Намбарын хүү гэхэд л өөх ч үгүй, булчирхай ч үгүй
болчихоод байгаа. Харин Норовын хүүд тулж, түших анд нөхөр гэж алга. Сүүлдээ
хүргэн ч үгүй болсон. Түүний араас Халтмаагийн хүү чирэгдэх нь. Шүдийг нь
ёсоороор нь сугалах шиг час час хийсэн баривчилгаанууд үргэлжилсээр.

Гэтэл энд Зандаахүүгийн хүү юу
хийгээд явна вэ. Түүнд нэгдүгээр хүн ямар \”төвөг” удав. Аан тийм байна. Намбар,
Норов,Халтмаагийн хөвгүүдэд нэгдүгээр хүнтэй \”яахад” Зандаахүүгийн хүү л хэрэг
болно. Тиймээс л түүнийг түшиж, жаргал зовлонгоо ний нуугүй ярилцацгаасан биз.
Энэ үлгэр хэрхэн үргэлжлэх бол?

 

Шар хүү