МИНИМАЛИСТ гэдэг нь загвар дизайны нэг урсгал.
Элдэв чимэглэл, хээ хуар, гоёл, өнгө будгийг аль болох бага хэрэглэдэг. Өнөөгийн \”хавтгай дизайны” өөр нэг гол эх сурвалж нь Минимализм. Минимализм нь архитектур, дүрслэх урлаг, дизайны урлагийг хамарсан урт түүхтэй, өргөн ойлголт.
Товчхон хэлбэл ИЛҮҮЦ хэрэгцээгүй хэсгүүдийг хасаад зайлшгүй байх ёстой хэдхэн зүйлсээр дүрслэх арга. Үлдсэн зүйлсээс нэгийг л хасах юм бол тэр дүрслэл нь утгаа алдах тэр хэмжээнд хүртэл нь хасаж товч бөгөөд оновчтой болгодог.
![\"\"](http://undesten.mn/uploads/posts/2016-04/1460522882_13006536_1041609592580383_5912365907451813229_n.jpg "\\"\\"")
Минималист амьдралын хэв маяг гэж бас бий. Минималист хүмүүс элдэв эд хогшил, илүү хэрэглээнээс татгалздаг. Тэд материаллаг зүйлс болон тэдгээрийг худалдаж авахын тулд ажиллах биш, харин цагаа илүү ухаалгаар хүмүүстэй харьцаж өнгөрүүлэхийг эрхэмлэдэг юм.
Хүннүгийн хаан Атилла, Их эзэн Чингис хаан, Дашбалбар агсан, Сесар Чавес, Нельсон Мандела зэрэг хувьсгалчид минималистууд байсан. Мөн Стив Жобс, Марк Зукерберг, Сергей Брин зэрэг технологийн салбарын тэргүүлэгчид ч энэ ангилалд хамаарна. Тэд аж ахуйн асуудал, хувцас хунарт цаг үрэхээс илүү жинхэнэ ажил үйлсдээ илүү цаг гаргах ёстойг ойлгосон хүмүүс.
Бид бүх ертөнц гарт маань байгааг, харин бид түүнд анхаарал хандуулах л хэрэгтэйг ойлгох ёстой юм. Хэрвээ бид хэр их цаг хугацааг хэрэггүй зүйлд үрдэгээ ухамсарлавал амьдрал аяндаа өөрчлөгдөж эхэлнэ. Тиймээс цаг хугацааг зөвхөн үнэ цэнэтэй, утга учиртай зүйлд зарцуулж эхэлбэл АМЬДРАЛЫН САЙХНЫГ МЭДРЭХ ЮМ.
![\"\"](http://undesten.mn/uploads/posts/2016-04/1460522782_logo.jpg "\\"\\""){kind=logo}
