С.Баяр: Улс төрд дахин орох хүсэл, хүч тэнхээ алга

 

Монгол Ардын намын дарга асан С.Баярыг улс төрд дахин ирэх нь гэх мэдээлэл цацагдах болсон. Зарим нь сайн улс төрч, сайн удирдагч гэдгээр тус мэдээллүүдийг дэмжиж байхад, зарим Оюутолгойгоос эхлээд л буруутгах зүйлтэй хүн гэдэг.

 

 

Тэгвэл тэрээр өөрийн цахим хуудаснаа ирэх сонгуульд оролцохгүй. Ер нь улс төрийн карьераа дуусгасан гэдгээ маш тодорхой тайлбарлан бичжээ. Түүний тайлбарыг хүргэе.

 

\”… Сонгууль ойртсон болоод ч тэр үү олон хүмүүс намайг улс төрд эргэн орох гэж дурсамжаа бичиж байна гэx юм. Харин надад зарчим байдаг, зарчмаа барихаас гадна эргээд улс төрд орох хүсэл надад алга. Хүсэл зоригоос гадна хүч тэнхээ хэрэгтэй. Тэр нь ч алга. Улс төр гэдэг бол дурлаад байхаар амттай, амар хялбар ажил огт биш. Хагалгаа хийлгэсэн, хүчтэй эмээр тордуулсан учраас миний бие бүтэн биш. Дээд оргил гэдэг бол ямар эмнэлгийн тасаг биш, тэнд эрүүл хүн хүрэх ёстой. Баахан баалуулсан, гүтгүүлсэн учраас миний нэр бүтэн биш. Долоон байр, долоон сарын нэгэн, таван хүний амь, таван төгөлдөржилт гээд олон сэдвээр намайг элдэвлэдэг. Тэр болгоныг тайлбарлаж учирлаад л, цээжээ дэлдээд л, хамаг байдгаа тоочоод, гүйгээд байх хүсэл алга. Цаг хугацаа гэж нэг юм бий. Хэзээ ч юм цаг хугацаа бүхнийг шүүнэ, таслан шийдвэрлэнэ.Наадмын хөлийн тоос цаг хугацааны эрхэнд буугаад алсын бараа тод харагддагтай адил бодит үнэн г цаг хугацаа харуулна, хэн нь юу хийсэн гээл. Надаас одоо шинэ юм гарахгүй. Зөв гэнэ үү, буруу гэнэ үү би хийдгээ хийсэн. Монголд хамгийн чухал нь боловсролын салбар, энэ салбарыг сайжруулахын тулд мөнгө хэрэгтэй, харин мөнгийг уул уурхайгаас олохоос өөр арга байгаагүй тул Оюу Толгойг хөдөлгөсөн юм. Улаан буудайгаа хүнээс гуйхгүйн тулд атрын аяныг өрнүүлсэн. Ард иргэдийн мэдээллийг тодорхой болгож хүн амаа тоолохын тулд бид чадахаараа ажилласан.