Соёл амралтын “Зайсан Хилл” цогцолборын санаачлагаар Олон улсын шатрын Их мастер А.Энхтуултай “ШАТРЫН ЗЭРЭГ ТОГЛОХ ӨДӨРЛӨГ”-ийг хоёр дахь удаагаа зохион байгуулахаар боллоо. Анх 2016 онд тус өдөрлөгийг зохион байгуулж байсан юм.
Зэрэг тоглох өдөрлөг нь Шатрын спортыг хөгжүүлэх зорилготой бөгөөд соёл амралтын “Зайсан Хилл” цогцолборт есдүгээр сарын 2-нд буюу маргааш 11:00 цагт эхэлнэ. Хүрэлцэн ирсэн шатар сонирхогчидтой нас, хүйс харгалзахгүй зэрэг тоглоно.
Өдөрлөгт оролцохыг хүссэн хүн бүрт нээлттэй бөгөөд үнэ төлбөргүй.
Өнгөрсөн жилийн долдугаар сарын 28-ны үдэш тэрээр Гэрэлт гудамжинд харахгүйгээр, цээжээр зэрэг тоглолт хийж байсан билээ.
