\”Авьяаслаг Азичууд” шоу нэвтрүүлгийн финалын шалгаруулалт өнөөдөр болох гэж байна.
Got Talent буюу авьяастныг нээж илрүүлэх зорилготой
нэвтрүүлгийн улс орон дамнасан буюу тивийн хэмжээнд зохиогдож буй
хувилбарт Монгол Улсаа төлөөлөн ардын урлагийн \”Хөсөгтөн” хамтлаг
амжилттай оролцож байгаа билээ.
Анхны шалгаруулалтаас эхлэн шүүгчид, үзэгчдийг гайхшруулж эхэлсэн
\”Хөсөгтөн” хамтлаг финалын есөн оролцогчийн нэгд шалгараад байгаа билээ.
Эдгээр шилдэг есөн оролцогчийн шилдгийн шилдгийг шалгаруулах финалын тоглолт өнөөдөр болох гэж байна. Тодруулбал Улаанбаатарын цагаар 21:05 цагт Сингапур Улсад тус шалгаруулалт болно.
Монголчууд энэхүү шалгаруулалтыг \”Сансар\”, \”Supervision\” кабелийн сувгийн AXN ASIA сувгаар үзэх боломжтой.
Шоуны ялагч нь 100 мянган доллар буюу 195 орчим сая төгрөгний
эзэн болж мөн \”Marina Bay Sands”-д өөрсдийн бие даасан тоглолтоо хийх
эрхийн бичгээр шагнагдах ажээ.
Өнөөдрийн шалгаруулалтын талаар \”Хөсөгтөн” хамтлаг өөрсдийн Фэйсбүүк хуудсандаа дараах постыг оруулжээ.
