Оффшор данстай Нацагдоржийн Цогт Жастин Каплагийн өмгөөлөгч үү

 

 

 

-Хулгайчийг
суллуулаад хулгайч болов уу-

 

Олон
улсын эрэн сурвалжлах сэтгүүлчдийн консорциумаас давхардсан тоогоор оффшор
данстай Монгол Улсын 49 хүний мэдээллийг нийтэд ил болгосон билээ. Эдгээр
хүмүүс дотор Бат-Үүлийн хүү Чулуудай, \”Кёкшүюзан” Батбаяр, \”Петровис”-ын
Оюунгэрэл нарын олны танил хүмүүс байхад танил бус хүмүүс ч бас байна. Тэднийг
чухам хэн болохыг тогтоож байх зуур Нацагдоржийн Цогт /Tsogt
Natsagdorj/ хэмээх гурван ч оффшор данстай нэлээд
чинээлэг нэгэн эрхмийг Монгол Улсаас 35 тэрбум төгрөг залилсан АНУ-ын иргэн
Жастин Каплагийн хэрэг дээр ажиллаж байсан өмгөөлөгч гэдгийг эх сурвалжууд
хэллээ.

 

 

400 гаруй тэрбум төгрөгийн татварын асуудалтай \”Саусгоби Сэндс”
компанийн гүйцэтгэх захирлаар ажиллаж байсан Жастин Капла гэгч нөхөр анх 68
тэрбум төгрөг татвараас бултуулсан гэгдэж байсан ч Ерөнхий сайд С.Баярыг
зодсоны дараа энэ мөнгө нь 35 тэрбум болж буурсан гэж улстөрийн хүрээнийнхэн
ярьдаг. Тэгвэл түүнийг суллуулахад чамгүй хүчин чармалтай гаргасан Нацагдоржийн
Цогт хэмээх өмгөөлөгчийг оффшорт гурван данстай Нацагдоржийн Цогт мөн гэдэгт
хүмүүс эргэлзэхгүй байна. Улсын Дээд Шүүхийн веб хуудас /http://www.supremecourt.mn/umguulugch/index/-т шүүхэд төлөөлөх
эрх авсан 2180 өмгөөлөгч бүртгэлтэй байгаагийн дотор Нацагдоржийн Цогт хэмээх
өмгөөлөгч бий бөгөөд байх байхдаа ганцхан байгаа нь тохиолдлын хэрэг биш
бололтой.

 

Түүнчлэн Нацагдоржийн Цогт нь өмгөөлөгч хүн байх магадлал асар өндөр
байна. Тухайлбал, түүний хувьцаа эзэмшдэг \”Joy
Key Development Limited”, \”Assets Right Consultant Ltd”, \”Bona Lex Limited”
хэмээх гурван оффшор компани нь зөвлөгөө, зуучлал үзүүлдэг хуулийн компаниуд
байгаа юм. Мөн \”Bona Lex Limited” компани
нь хуулийн фирм болохыг Tsogt Natsagdorj-ийн Linkedin
хуудас /https://mn.linkedin.com/in/tsogt-natsagdorj-5b0ab157/-наас харж болно. Энэ хуудаснаас Tsogt Natsagdorj нь \”Bona Lex LLC”болон \”Tsogt and Nandin LLP” гэсэн хуулийн компанитай
холбоотой болох нь харагдана. Тэгэхээр Tsogt Natsagdorj гэдэг хүн нь өмгөөлөгч
Нацагдоржийн Цогт болох нь бараг тодорхой байна. Хэрвээ Жастин Каплагийн өмгөөлөгчөөр ажилласан Нацагдоржийн Цогт нь энэ хүн
мөн бол яагаад заавал гурвын
гурван оффшор компанид хувьцаа эзэмшдэг нь сонирхолтой байна. Ямартай
ч, нэлээд их хэмжээний хөрөнгөтэй нэгэн бололтой.

 

Тиймдээ ч гурвын гурван
оффшор компанид мөнгөө хувааж байршуулж, нууж байна. Жастин Капла ч аргагүй их
мөнгө завшчээ. Учир нь түүнээсээ өчүүхэн цацахад ийм болж байна. Ер нь энэ Жастин Капла
гэгч халзан толгойдоо үс ч үгүй Монголд хоосон ирсэн эр яахлээрээ Монгол Улсын
Ерөнхий сайдыг нь зодчихоод, Монгол Улсаас 35 тэрбум төгрөгийг нь хулгайлчихаад,
Монгол бүсгүйг эхнэрээ болгож авчихаад, Монгол Улсын Ерөнхийлөгчөөр нь өршөөлгөчихөөд
нутаг буцах ёстой юм. Яахав түүнийг Монгол Улсад талархаж учруулсан хохирлоо
бага багаар нь төлөх байх гэж найдтал харин ч эсрэгээрээ Монгол Улсын нүүр рүү нулимж
байна.

 

Түүний энэ үйлдэл яалт ч үгүй хадам аав /Монгол Улс/-ынхаа авдарнаас их хэмжээний
мөнгө хулгайлж охиныг нь оргуулж хол оччихоод эргээд хадам аавыгаа харааж зүхэж,
ачийг бачаар хариулдаг өөдгүй муу этгээдтэй үнэхээр адилхан байгаа юм даа.

 

 

 

 

 

Нацагдоржийн Цогтын хувьцаа эзэмшдэг \”Bona Lex Limited\” хэмээх оффшор компанид Цэндсүрэнгийн Сэргэлэн хэмээх бас нэгэн хүн хувьцаа эзэмшдэг болох нь тогтоогдсон бөгөөд энэ хоёр холбоотой аж. Гэхдээ Ц.Сэргэлэн Н.Цогтын нөгөө хоёр нууц данстай холбоогүй буюу мэдэхгүй юм байна. 

 

 

 

 

 

 

 

Төгс