Хүүтэй болохыг хүссэн хүнд хоолны дэглэм, бас бус зүйлсийг эмч нар зөвлөдөг шиг охинтой болохыг хүссэн гэр бүлд зориулсан мэргэжлтнүүдийн тогтсон хэд хэдэн зөвлөгөө байдаг юм байна. Эдгээрээс уншигч тантай хуваалцъя.
Хоймор эзлэх хөвгүүдтэй ээж та охин үртэй болмоор байна уу. Бяцхан даашинз, эгдүүтэй хөөрхөн үсний боолт, хавчаар, зүүлт, хүүхэлдэйний гэмээр өхөөрдөм гоёмсог гутлыг хөөрхөн гүнжтэй болоод авч өгмөөр л байгаа биз дээ.
Хүүтэй болохыг хүссэн хүнд хоолны дэглэм, бас бус зүйлсийг эмч нар зөвлөдөг шиг охинтой болохыг хүссэн гэр бүлд зориулсан мэргэжлтнүүдийн тогтсон хэд хэдэн зөвлөгөө байдаг юм байна. Эдгээрээс уншигч тантай хуваалцъя. Эдгээр аргуудад өндгөн эсийн боловсрох хугацаа маш чухал юм. Энэ нь ихэвчэн биений юмны мөчлөгийн 12-16 дахь хоногт хоёр өндгөвчний аль нэгнээс өндгөн эс боловсрон гарч гуурсан хоолой руу сорогдон орох үйл явцыг овуляц гэж нэрлэдэг.
Шетллийн арга
Энэ арга бүр 1960 оноос эхтэй бөгөөд олон ээжид хүссэн охин үрийг нь заяасан юм шүү. Охин хүссэн нийт гэр бүлийн 75 хувьд нь энэ арга өгөөжөө өгчээ. Шеттл эмч хүүхдийн хүйсийг шийддэг гол зүйл нь хугацааны сонголт гэдэгт итгэдэг байжээ. Хүүхдийн хүйс нь эр бэлгийн эсүүдийн хромосомын зөөвөрлөлтөөс ихээхэн хамаардаг аж. Эрэгтэй хүүхдийн ген тээж буй эр бэлгийн эс илүү хурдан хөдөлгөөнтэй ч эмэгтэй хүүхдийн ген тээж буй эсээс амь бөхтэй байж чаддаггүй. Эмэгтэй хүүхдийн ген тээж байгаа эс илүү удаан хөдөлгөөнтэй, илүү уян хатан байдаг байна.
Шеттл эмчийн онолоор бол та өндөг эс боловсрох ирэх хугацаанаасаа 2-4 хоногийн өмнө бэлгийн харьцаанд орвол охин хүүхэд олох магадлал өндөр байдаг байна. Ингэснээр өндгөн эсэнд зөвхөн охин хүүхдийн ген тээж буй эр бэлгийн эс үлдэх боломжтой аж.
Веланы арга
Энэ бол мөн л олон гэр бүлд аз жаргал авчирч чадсан аргуудын нэг. Вален эмчийн зөвлөсөн энэ аргыг ашигласан нийт гэр бүлийн 57 хувь нь охинтой болж чаджээ. Цаг хугацааны хувьд арай ялгаатай нь өндгөн эс боловсрон гарахаас 2-3 хоногийн өмнө бэлгийн харьцаанд орохыг тэрэрэ зөвлөжээ. Харин хүүтэй болохыг хүсвэл өндгөн эс боловсрохоос 4-6 хоногийн өмнө бэлгийн харьцаанд орох хэрэгтэй гэнэ.
Дур тавих гэж оролдох хэрэггүй
Эртний ам дамжсан яриагаар бол бэлгийн харьцааны үед эмэгтэй хүн хэр их дур тавина тэр чинээгээр хүүтэй болдог гэдэг. Өөрөөр хэлбэл, дур тавихыг тэвчиж чадвал охинтой болох магадлал өндөр байх нь. Эмэгтэйн дур тавилт нь эрэгтэй хүүхдийн ген тээж буй эсийг амьд үлдэхэд дэмжлэг болдог гэнэ.
Илүү их секс хий
Охинтой болохыг хүсвэл энгийн үеийнхээс илүү олон удаа бэлгийн харьцаанд орохыг мэргэжилтнүүд зөвлөж байна. Илүү олон удаагийн бэлгийн харьцааны дүнд эрэгтэйн эр бэлгийн эсүүдийн эрэгтэй хүүхдийн ген тээж буй эсийг цөөлж, охин үртэй болгох эсийг таны өндгөн эсэнд зуучлах магадлалтай аж.
Илүү их ногоо, жимс ид
Нэгэн судалгаанаас үзэхэд илүү их ногоо, жимс иддэг эмэгтэйчүүд охин хүүхэд төрүүлдэг аж. Зарим хүн цагаан хоолтнууд охинтой болох магадлал хавьгүй өндөр байдаг хэмээн итгэдэг байна. Ялангуяа, бууцай, самар, цэцэгт байцаа иддэг эхчүүд охинтой болдог гэсэн судалгаа ч бий.
Давсаа багасга
Бага давстай хоол идэх нь эрүүл зөв хооллолт учраас охинтой болох магадлалыг төдий чинээ нэмдэг байна. Тиймээс давсалсан мах, боловсруулсан махнаас татгалзаж, давс багатай эрүүл хүнсийг сонгоорой.
