\”Орхонд онхолдогсод\” буюу ойчихдоо уйлах “жаал”-ууд хэн бэ

 

 

 

2016 оны УИХ-ын
сонгууль хаяанд ирлээ. Олз руугаа улайран дайрах цөөврүүд аятай улстөрчид тэмцэлдэж
эхэллээ. Орхон аймаг буюу Эрдэнэт хот хэзээнээсээ УИХ-ын сонгуулийн \”зөөлөн
боов” байсаар ирсэн . Тиймдээ ч тийшээ
шунан дурлагсад олон. Эрдэнэтэд дархлагдсан улстөрч байхгүйг өнгөрсөн хэдэн
сонгууль харуулдаг. Харин шинэхэн \”босоо бөх” гарч ирж байгаа нь О.Содбилэг.
Түүний хувьд 2012 онд УИХ-ын гишүүн болсон бөгөөд төрөлх хот Эрдэнэтдээ багагүй
зүйл хийсэн. Тиймдээ ч нэр хүнд нь өсч яваа. Мөн энэ сонгуулиар Эрдэнэтэд
дахиад нэр дэвшинэ, сонгогдох нь ч тодорхой.
Харин үлдсэн хоёр мандатыг хэн, хэн авах вэ гэдэг л чухал асуудал.

Орхон аймаг
УИХ-ын сонгуульд гурван мандаттай бөгөөд О.Содбилэг, Тусгаар тогтнол, эв
нэгдлийн намд элссэн Л.Цог, \”Тагнуулч” гэгдсэн М.Батчимэг болон Хууль зүйн сайд
Д.Дорлигжав нарын УИХ-ын гишүүд нэр дэвших аж. Түүнчлэн тэдний араас \”Буян”-гийн
Жагаа, Л.Гүндалай тэргүүтэй хэд хэдэн экс гишүүд нэр дэвшихээр болжээ. Мөн \”оймсны”
гэгддэг О.Баасанхүү гишүүн намын жагсаалтаар бус анх удаа УИХ-д нэр дэвшиж
байгаа учир \”зөөлөн боов” Эрдэнэтийг онилоод байна. Тэрбээр \”Шударга ёс”
эвслийн бүлгийн дарга болуутаа Эрдэнэтийг зорьж, тэнд ажилласан бөгөөд Эрдэнэт
хотын сонгогч иргэддээ уулзаж, санал бодлыг нь сонсчээ. Ерөнхийдөө Эрдэнэтийн
гурван мандат дээр 10-аад хүн өрсөлдөх нь тодорхой байна. Харин тэдэн дундаас
хэнийг нь аз түшиж, хэн нь олон сая төгрөгөөр шатсандаа уйлахыг тэр өдрийн
тэнгэр л мэдэх байх. Дээр дурдсанчлан 10-аад горилогчдоос нэр нь гарсан
хүмүүсийн хоёр нь сонгогдох магадлал өндөр байна.

Ямартай ч, \”Буян” Жагаа буюу
Бүгд найрамдах намын дарга Б.Жаргалсайхан Эрдэнэтчүүд гэлтгүй бүх Монголчуудаас
орон сууцыг хүүгүй зээлээр олгох хөтөлбөр хэрэгжүүлнэ гэдэг амлалтаараа маш том
оноо авчихаад байгаа. Гагцхүү энэ хөтөлбөрийг хэрэгжүүлж чадах уу л гэдэг
байна. Тэрбээр телевизэд ярилцлага өгөх үеэр \”Манай нам орон сууцыг хүүгүй
зээлээр олгох хөтөлбөр боловсруулсан” хэмээн мэдэгдсэн. Тэгэхээр энэхүү
хөтөлбөрөө мөрийн хөтөлбөртөө оруулж, энэ хөтөлбөрөөрөө гол зэвсгээ хийн ирэх
сонгуульд оролцох нь дамжиггүй. Харин \”Ард түмнээ хайрлая” намын дарга
Л.Гүндалайд Эрдэнэтчүүд тийм ч таатай хандахгүй байна. Л.Гүндалай
Эрдэнэтчүүдийг \”Чадахгүй бол чацга царайл” гэсэн бөгөөд Эрдэнэтчүүд Л.Гүндалай
биднийг \”чацган царайл” гэлээ хэмээн ихэд гомдолтой байгаа юм.