UFC 229. Дуулиант тулааны дараа гарч байгаа элдэв янзын цуу ярианд зарим залруулгыг хийе.
* – Khabib үзэгч рүү дайраагүй. Тулааны турш торны гаднаас хашгирч, хэл амаар доромжилж байсан McGregor-ийн багийн хүн рүү дайрсан. Тэрээр энэ талаар тулааны явцад шүүгч Herb Dean-д хэлж байгаа нь харагддаг.
* – Dana White бүсийг нь зүүж өгөхөөс татгалзсан юм биш. Тэрээр ингэсэн шалтгаанаа тайлбарлахдаа, хэрвээ би октагон дээр аваргын бүсийг зүүж өгсөн бол магадгүй эмх замбараагүй байдал хяналтаас гарах байсан байх. Уурласан Ирландууд дэвжээ рүү гарт тааралдсан бүхнээ нүүлгэх байсан. Дараа нь юу болох байсныг хэн мэдэх билээ.
* – Dana White Khabib-ийг дахиж UFC-д тулалдуулахгүй гэж хэлээгүй. Үймээн гаргасан этгээдүүд хэрвээ UFC-д гэрээтэй тамирчид байх юм бол тэднийг октагон дээр дахиж гаргахгүй гэж хэлсэн.
* – Las Vegas-ын спортын комисс Khabib-ын аварга цолыг хураана гээгүй. Учир нь цол хураах эсэхийг зөвхөн UFC өөрөө л шийднэ. Харин комиссын зүгээс торгууль ноогдуулах, магадгүй тодорхой хугацаагаар эрхийг нь хасах хүртэл шийтгэл ноогдуулах байх. Харин цол хураахын тухайд бол тулааны дараах хэвлэлийн бага хурал дээр Khabib аваргын бүстэйгээ гарч ирсэн.
I WILL SMASH YOUR BOY – ЧИНИЙ БЯЦХАН ЖААЛЫГ БИ БАЙХГҮЙ БОЛГОНО ОО ГАЙГҮЙ.
Энэ бол өвдөгний хүнд бэртлээсээ эргэж ирснээсээ хойш 4 тулаан дараалж ялалт байгуулахдаа Khabib Nuramagomedov-ын Dana White-д хандаж байнга хэлдэг байсан үг. Бяцхан жаал гэдэг нь мэдээж Conor McGregor. Өнөөдөр тэр хэлсэндээ хүрч түүнийг ёстой байхгүй болгосон.
McGregor-ын зүгээс гаргасан өдөөн хатгалт гэхэд багадахаар олон удаагийн үйлдлүүдийг огт тоолгүй хүйтэн царайлан өнгөрүүлж байсан боловч дотор нь ямар их уур хорсол дүрэлзэж байсныг ялалт байгуулсных нь дараа гаргасан үйлдлээс нь бид харлаа.
Эх орныг нь, шашин шүтлэгийг нь, гэр бүлийг нь, аавыг нь доромжилсон тэр олон үйлдлүүд түүнийг ингэтэл нь хилэгнэхэд хүргэсэн ч тулаанд нь нөлөөлж, хяналтыг нь алдуулж харин чадсангүй. Өмнө нь McGregor өдөн жингийн домогт аварга Jose Aldo-той тулалдахдаа яг ийм аргаар түүний хяналтыг алдуулж, улмаар алдааг нь ашиглан ялалт байгуулж чадсан билээ. Гэвч энэ нь Khabib дээр огт хэрэгжсэнгүй. Тэр октагон дээр ямар ч сэтгэл хөдлөлгүй хүйтэн царайлан гарч өдийг хүртэл хийж ирсэн тэр зүйлээ ямар ч алдаа гаргалгүй гүйцэтгэж илт давуу ялалт байгууллаа. Одоо харин түүнд нэг том даваа үлдсэн гэнэ. Тэр нь юу гээч… “Миний гаргасан үйлдэлд аав маань их уурлаж байгаа гэнэ. Би ч гэртээ хариад алуулсаан”.
Эх сурвалж: https://www.facebook.com/ufcmongol/photos/a.1736168966402363/2109566039062652/?type=3&theater
