С.Ламбаагаас өөр \”сонголт үгүй\”

Эрүүл мэнд, спортын яам Г.Шийлэгдамбыг явснаас хойш одоо л нэг юм хууль
ёсны \”толгой”-той болох гэж байна. Өнгөрсөн хугацаанд энэ яамыг Эрүүл мэндийн
сайдын үүргийг түр орлон гүйцэтгэгч, Шадар сайд, УИХ-ын гишүүн Ц.Оюунбаатар болон Эрүүл мэндийн
яамны Төрийн нарийн бичгийн дарга С.Ламбаа нар авч явлаа. Авч явсан ч гэж дээ,
нэр төдий удирдаж, Ерөнхий сайд Ч.Сайханбилэгийн шууд удирдлага дор явж байв.

Олон
удирдлага, оноож өгсөн \”хариуцлага хүлээгч\” байхгүй учраас Эрүүл мэндийн салбар
ингэтлээ доош орж, өдгөө улаанбурхан өвчний улмаас 59 хүүхэд нас барж, олон
зуун оюутнууд хичээлээсээ хоцорч, төрийн хармайнаас хэдэн тэрбумаараа сул асгарч байна.
Энэ бүгдэд хариуцлага хүлээдэг хүн гэж алга. Хараа хяналтгүйгээс болж 59 нярайгаа алдчихаад
сүүлд нь баахан шуугиж суув.

Өдгөө Эрүүл мэндийн салбарын энэ уналт Н.Энхбаяр
гэдэг хүний гацаанаас болов уу, эрх баригчдын шунал хүслээс болов уу гэдэг нь
тодорхой болж байна. МАХН-ын дарга Н.Энхбаяр өнгөрсөн хугацаанд Эрүүл мэндийн
сайдад Ц.Оюунбаатар, Л.Жамбалжав, Ц.Лхагвасүрэн нарын хүмүүсийг нэр дэвшүүлсэн.
Тэр бүрт Ерөнхий сайд Ч.Сайханбилэг шалтаг тоочиж буцааж байсан бөгөөд Эрүүл
мэндийн салбарыг эрх баригчид авах гэсэн ганцхан \”далд санаа\” байжээ. Тиймдээ ч өдий
хүртэл сайдгүй гүрийлгэж, эцэст нь өөрийн хүнийг тавьж, Эрүүл мэндийн салбарыг
авч чадлаа.

Сар гаруйн настай ч бүтэн зургаан сар тэмцсэний эцэст өөртөө авч
байгаа болохоор Эрүүл мэндийн яам яах аргагүй эрх баригчдад үнэтэй. Харин яамны
тэргүүн нь өнөө л \”муу нэрт\”, \”луу данст\” С.Ламбаа. Үүнээс өөр сонголт үгүй АН
С.Ламбаагаа тавьж, Эрүүл мэндийн яамыг дахин \”шувтрах\” бололтой.

Нинж