Өнөөдөр МУИС-ын нэгдүгээр байрны Эрдмийн танхимд “МУИС-ын нэрэмжит тэтгэлэг-2019” тэтгэлэг гардуулах үйл ажиллагаа болно.
“МУИС-ийн нэрэмжит тэтгэлэг” нь тус их сургуулийн суралцагчдын сурч боловсрох, өөрийгөө хөгжүүлэхэд дэмжлэг үзүүлэх, амжилттай суралцаж буй шилдэг оюутныг урамшуулах, зарим мэргэжлээр элсэгчдийг дэмжих зорилгоор зохион байгуулагдаж байгаа ёслолын ажиллагаа юм. Үүний хүрээнд өмнө нь жилд 20 орчим оюутанд тэтгэлэг олгодог байсан бол энэ жилээс арав дахин нэмэгдүүлж 200 гаруй оюутанд 11 төрлөөр тэтгэлэг олгохоор болжээ. Үүнээс гадна МУИС-ийн оюутан гадаад, дотоодын олон тэтгэлэгт хамрагдах боломжтой.
МУИС-ийн суралцагчдад олгодог тэтгэлгүүдийг танилцуулах, сурталчлах үйл ажиллагаа 14:00-18:00 цагийн хооронд дугуй заалны өмнөх талбайд болно. Тэтгэлэг авдаг МУИС-ийн оюутнууд тухайн тэтгэлгийн танилцуулгаа хийж, өөрсдийн туршлагаас хуваалцан, зөвлөгөө өгөх үйл ажиллагаа явагдана.
