“Монголболгаргео” ХХК-ийг “луйвардах” гэсэн Л.Пүрэвгял удаа дараа хууль зөрчиж байна

 

Монгол Улсын Засгийн газар 2011 онд \”МонголБолгаргео \”ХХК-ийн өөрийн мэдлийн 50 хувийг хувьчлахаар

 

 өмч хувьчлалын жагсаалтад оруулсан. Улмаар 2011 онд ТӨХ-ны 438 дугаар тогтоол гарч 85,420 ширхэг хувьцааг нэг багц болгон нээлттэй дуудлага худалдаа зарласан. Хэд хэдэн удаагийн дуудлага худалдаа зарлагдсан ч амжилтгүй болж , Монгол-Хятадын хамтарсан \”Жинлиань” ХХК  тус  компанийн 50 хувийг Засгийн Газраас 2 тэрбум 950 сая төгрөгөөр буюу тухайн үеийн ханшаар 2 сая 271 мянга 712 ам.доллараар худалдан авчээ. Ийнхүү худалдах худалдан авах үйл ажиллагаа явагдаж хууль ёсоор \”Жинлиань” ХХК нь \”Монголболгар \”ХХК-ийн 50 хувийг эзэмшигч болж, харин үлдсэн  50 хувь нь Болгар улсын төрийн өмчийн \”Болгаргеомин” ЕАД-д үлдсэн байгаа юм.

Хувьчилж авах үед ТӨХ-ноос Баянхонгор аймгийн ИТХ-ын хурлын дарга асан Л.Пүрэвгял гүйцэтгэх захирлаар томилогдож ажиллаж байсан. Тухайн үед ТӨХ дангаараа шийдвэр гаргаж Л.Пүрэвгялыг гүйцэтгэх захирлаар ажиллуулсан. ТӨХ-ны эрх мэдэл шууд \”Жинлиань” ХХК-ийн мэдэлд ирсэн тул хууль ёсны өмчлөгч \”Жинлиань” ХХК-иас Л.Пүрэвгял гүйцэтгэх захирлаар улиран ажиллах хүсэлтэй байгаагаа илэрхийлсэн.  Уг хүсэлтийг  нутаг орон мэддэг ажлын туршлагатай гэдэг утгаар улируулан ажиллуулсан байдаг. Харин 2011 оны 11 дүгээр сарын 17-ноос 2013 оны 7 дугаар сарын 23 хүртэл Л.Пүрэвгял гүйцэтгэх захирлаар ажиллахдаа \”Жинлиань” ХХК-д ямар нэгэн ашиг өгөөгүй тул өч төчнөөн хөрөнгөөрөө худалдаж авсан \”Жинлиань” ХХК гүйцэтгэх захирал Л.Пүрэвгялын үйл ажиллагаанд санхүүгийн шалгалт хийхэд маш их хөрөнгийн болон болон үйл ажиллагааны бодит хохирлыг \”Монголболгаргео” ХХК-д үзүүлсэн тул түүнийг ажлаас халсан. Гэтэл Л.Пүрэвгял тамга авч хилийн чанад руу буюу Болгар улс руу зугатсан. Улмаар Болгараас \”Болгаргеомин ЛТД” ДЗЗД гэдэг хувийн компани байгуулсан Болгаруудтай ирсэн. Уг нь Болгар талын эрх эзэмшигч нь Болгаргеомин ЕАД гэж байдаг. Үүнээс эхэлсэн маргаан өнөөдрийг хүртэл явагдаж байна. 

Л.Пүрэвгял ижил нэртэй Болгар компани байгуулан өөрийгөө Болгар талын хувь эзэмшигч хэмээн орон нутгийн болон төр захиргааны байгууллагуудыг төөрөгдүүлэн хууль ёсны хувь эзэмшигч \”Жинлиань” ХХК болон \”Монголболгаргео” ХХК-ийн  үйл ажиллагаанд саад учруулсаар өдийг хүрсэн.

Хамгийн сүүлд буюу 2016 оны 5-р сарын 18-ны өдөр Л.Пүрэвгял  Баянхонгор аймгийн Галуут сумын нутагт байрлах \”Монголболгаргео” ХХК-ийн эзэмшлийн уурхайд аймгийн цагдаагийн хэв журмын тасгийн дарга, дэд хурандаа Ж.Баярням , ахмад А.Алтангэрэл нарын 10 алба хаагчдын бүрэлдэхүүний хамгаалалттайгаар дайрч орон гэр барьсан. Харамсалтай нь гэмт хэргээс урьдчлан сэргийлэх, хэв журам сахиулах үүрэгтэй цагдаагийн алба хаагчид үндсэн үүргээ умартан хувийн эзэмшил рүү хууль зөрчигчийг дагуулан дайран орж уурхайн ажилчдын болон албан ёсны эрх залгамжлагчдын эрх ашгийг ноцтойгоор зөрчсөн юм.  

Энэхүү асуудлыг хууль хяналтын байгууллагууд нэн яаралтай шалгаж үнэн мөнийг тогтоож өгөхийг хүсэж байна!