Мордохын хазгай Оюутолгой буюу “Баярцогт явсан газар балагтай” болжээ

 

 

 

 

\”Муу нэрийг хусавч ариладаггүй\”-н адилаар С.Баярцогтын \”Оффшорын загалмайлсан
эцэг”, \”Оюутолгойн баялгийн хараагч” хэмээх муу нэрийг 1000-нтаа хусаад ч
арилахааргүй болжээ. Монголоос өөр оронд түүнийг хэцүүхэн хувь тавилан хүлээх
байсан. Эх орон, ард түмнээсээ урвасан, эрх ашгийг нь уландаа гишгэсэн ийм
хүмүүс өчиггүй ялын дээд хэмжээ сонсч, хөрөнгийг нь улсын орлого болгодог.

 

Манайд
хууль тогтоогчид хулгай, луйварт тогтмол холбогддог ч хязгаарын дотор бол хууль
зөрчсөнд тооцдоггүй аж. Харин тогтсон хязгаарыг давж төрөөс хулгай хийвэл
түүнийг намынхан нь хүртэл шүүмжилдэг. Ийм хэргүүдийн хамгийн том нь 740 сая ам.долларын хохиролтой төмөр
замын хэрэг гэгддэг ч Оюутолгойн хэрэг түүнээс
илүү хохирлыг Монгол Улсад авчирч байна. \”Бадарчин явсан газар балагтай,
батгана суусан газар баастай” гэгчээр С.Баярцогтоос эхлэлтэй балаг, хязгаарыг
давж хулгай хийх үзэгдэл АН-д сүүлийн хэдэн жилд нэлээд хэдэн удаа гарсан.
Монгол Улсыг хагас зуун жил ганцаараа \”тэжээж” буй ГОК-оос хэд дахин том, хэд
дахин ашиг өгөх Оюутолгойн орд яагаад Монгол Улсад ашиг өгөхгүй байна.

 

Энэ орд
уг нь дэлхийн 5 том алтны уурхайн нэг. Гэсэн ч Монгол Улсад ашгаа өгөх нь
битгий хэл 2037 оноос нааш Монголын ард түмэн ашиг хүртэхгүй болчихлоо. Оюутолгойн
орд \”9 эрүү шүүлт”-ээр орж, 2-3-хан шат дамжихад л Монгол Улс 2037 он хүртэл
ашиг хүртэхгүй болчихлоо. Эцэг өвгөдөөс өвлөгдөн ирсэн цул эрдэнэсийн орд Оюутолгойд
Монголын 3 сая иргэн бүрийн халаасанд 2.7 тэрбум төгрөг болж орох ариун зорилго
бий. Харин үүнийгээ биелүүлж чадахгүй, харийнханд үхтлээ цөлмүүлж, уйлан хайлан
ашиглуулж буй Оюутолгойг 9 эрүү шүүлт амсч байна уу гэлтэй. Ингэж эрүү шүүлтээр
орох эхлэлийг нь С.Баярцогт нарын хүмүүс хийж, анхны эрүү шүүлтийг нь
амсуулсан.

 

Харин хамгийн сүүлд Ерөнхий сайд Ч.Сайханбилэг Арабын Нэгдсэн
Эмиратын Дубай хотод очиж \”Далд уурхайн хөрөнгө оруулалтын гэрээ” гэгч гурав
дахь эрүү шүүлтийг нь амсуулсан. 5-хан тэрбум ам.доллар авахын тулд Монголын ард түмний
Оюутолгойгоос хүртэх ашиг бүхэл бүтэн 14 жилээр хойшлууллаа. Оюутолгой 4 дэх, 5 дахь гэхчлэн энэ мэтээр эрүү шүүлтээр ороод байвал 9
дэх давааны дараа Монголын ард түмэнд юу ч үлдэхгүй нь гарцаагүй. Ингэж мордохын
хазгай Оюутолгойн анхны алхмыг С.Баярцогтонгууд тун хэцүү гишгүүлж, Монгол
Улсыг 2023 оноос нааш Оюутолгойгоос цэвэр ашиг хүртэхээргүй гэрээ байгуулсан юм. Энэ мэтээр эрх
баригчид ээлжлэн хувааж, цавцсаар байвал \”Оюутолгой\” хэмээх бялуунаас жирийн
иргэд бидэнд ширхэг үйрмэг ч олдохгүй болох нь.

 

 

 

 

Нинж