Н.Энхбаяр: Цагдаагийн байгууллага бол Ц.Элбэгдорж, Ч.Сайханбилэг нарын гар хөл

МАХН-ын дарга Н.Энхбаяр нар нэр дэвших эрхтэй болсноор
өлсгөлөнгөө зогсоосон гэж ойлгож байлаа. Гэвч тавдугаар сарын 31-ны өдөр СЕХ
хуралдаж Н.Энхбаяр нарыг бүртгэхээс татгалзсан шийдвэрийг гаргасан байна.

 

 

 

Тэгвэл энэ талаар Н.Энхбаяр, Э.Эрдэнэжамьяан нар мэдээлэл
хийлээ.

 

 

МАХН-ын дарга
Н.Энхбаяр \”Сонгууль шударга бус болвол луйварчдын төр бүрдэнэ. Энэ алдаа
завхралыг засахын төлөө зорьж, ажиллаж байна. Харамсалтай нь өмнөх сонгуулиар
луйвар булхай хийж, ард түмнийг хууран мэхлэн гарч ирсэн МАН, АН-ын нам нам
дамжсан олигарх бүлэглэлүүд хуйвалдсан хэвээрээ. Өөрсдөдөө ашигтай нөхцлийг
бүрдүүлэхийн төлөө сонгуулийн хуулийг өөрчилсөн. Одоо тэр үйл ажиллагаа нь
гүнзгийрч, бүр давраад өөрсдийн гар хөл болсон байгууллагуудаар дамжуулж,
шударга сонгууль явуулахад бүхий л төрлөөр саад бэрхшээл учруулж байна. Үүнд
бид бууж өгөхгүй. Р.Чингис
даргатай ЦЕГ-ын хамт олон намайг болон Э.Эрдэнэжамъян, бусад нэр дэвшигчдийг
сонгуульд оруулахгүйн тулд хууль бус үйл ажиллагаа явуулж байна. Цагдаагийн
байгууллага бол Ц.Элбэгдорж, Ч.Сайханбилэг нарын гар хөл. Цөөн хэдэн хүнд
үйлчилж, тэднийгээ дахин УИХ-д олонх болгож, Тавантолгойг авч идэх гэсэн
санаархалд үйлчилдэг байгууллага” гэж ярилаа.

 

 

Мөн Цагдаагийн
байгууллагаас гадна СЕХ ч МАНАН-ын гар хөл болсон байгууллага. СЕХ-ны дарга
Ч.Содномцэрэн нь АН-ынх бол орлогч дарга Ц.Болдсайхан нь МАН-ын хүн. Тэд ч
сонгуулийг будилуулах бусармаг үйл ажиллагааг явуулж буйг хэллээ.

 

Тиймээс МАХН-аас эхний ээлжинд гомдол гаргаж байгаа аж.
Тухайлбал, хуулийг мушгин
тайлбарлаж, цагдаагийн албаны эрх мэдлээ хэтрүүлэн ашиглаж, ял эдлээгүй
Н.Энхбаярыг ялтай хугацаа нь дуусаагүй хэмээн гаргасан лавлагаагаа залруулахыг
шаардсан байна. Лавлагааг маргаашийн дотор өгөхийг хүссэн бөгөөд хариу өгөөгүй
тохиолдолд захиргааны хэргийн шүүхэд хандахаа мэдэгдлээ.

 

 

А.Аюуш