Зуны улиралд гаргаж болохгүй загварын 5 алдаа

Зун бол урин дулаан цаг ирлээ. Эрс тэс уур амьсгалтай манай улсын хувьд өглөө нь шатам халуун байснаа орой нь бороотой бүр заримдаа цастай ч байх нь бий. Гэсэн хэдий ч олон давхарласан хувцаснуудаа нимгэлж, өөртөө итгэл дүүрэн алхах зуны улиралд бид дуртай. Энэ удаагийн нийтлэлээрээ би та бүхэнд зуны улиралд залуусын ихэнхдээ гаргадаг алдаануудыг болон хэрхэн зөв өмсөх талаар хүргэж байна.

Буруу өмд сонгох

Дулааны цагуудад ихэнхдээ шорт өмсдөг ч гэсэн өмд өмсөх шаардлага олон гардаг. Дулаан температурт өөртөө тохирсон нимгэн даавуун өмдийг сонгоорой. Биед эвтэйхэн бөгөөд цайвар өнгөтэй өмдөөр зуны загвараа бүрдүүлэхийг санал болгоё.

 

Нартай халуун өдөр өөртөө яг таарсан, хэт бариу, хэт сул биш загварыг сонгоорой. Ажилдаа болон төрөл бүрийн арга хэмжээ, уулзалтад явахдаа шулуун загвартай даавуун өмдийг туршаад үзээрэй. Энэ нь мөн бүхий л төрлийн цамц, пудволктой хосолж чадна.

 

 

Санал болгож буй өмднүүд

Үүргэвчний дүрэм

 

Цувтай явахад хэтэрхий халуун байна уу? Тэгвэл өмсөж явсан цуваа яах вэ? Мөн гар утсаа, нүдний шилээ хаана хийх вэ? гэсэн асуудлууд эрчүүдэд байнга тулгардаг. Бүгдийг нь халаасандаа хийнэ гэхээр эг л болдоггүй. Хэрвээ танд эдгээр асуудлууд тулгардаг бол ҮҮРГЭВЧ санал болгож байна. Савхин материалтай үүргэвч харахад тансаг загварлаг харагдах боловч энэ зун спорт загварын даавуун, нейлонматериалтай үүргэвчнүүдийг санал болгоё.

 

 Сүүдрээр тоглогч

 

Гадуур явж байхдаа шил зүүх нь зуршил болчихсон уу? Шилээ сонгохдоо зөвхөн хямдад нь болж сонгож болохгүй. Шилний хүрээ нь өөрөө төсвийг нь үндсэн бүрдүүлэгч ба өөрийн нүдэнд тохирсон линзтэй байх нь мэдээж хамгийн чухал юм.

Нартай өдрүүдэд зүүх тул шилнийхээ нарны хамгаалалтыг анхаараарай! Өөрийн арьсны өнгөнд тохирсон туяатай линзийг, нүүрнийхээ хэлбэрт тохирсон загвартай шилийг сонгоорой! Энэ зуны хувьд классик хэлбэртэй, төмрөнхүрээтэй шил трэнд болоод байна.

 

Boy racer Залуу тамирчин

 Хэрэв таны гадуур хувцас таны биеийн талаас илүү хэсгийг халхалж чадахгүй байгаа бол ямар нэгэн зүйл нэмж өмсөх хэрэгтэй юм. Дал гарсан майк нь бараг л нүцгэн байдалтай харагдуулдаг ба та хэт задгай бишээр хувцсаа тохируулан өмсөөрэй. Даавуун материалтай бага зэрэг том хэмжээтэй пудволк нь сэрүүхэн бөгөөд гудамжны чөлөөт загвартай харагдаж чадна.

 

 Оймс, Оймс , оймс 

Таны хөл нарнаас болж хамгийн эхлээд зовох зүйл юм. Нүцгэн хөлтэй явах нь таны пүүзийг эвгүй үнэртэй болгох боловч оймс өмсөх нь даавуун хувцаслалтыг биширдэг залууст хамгийн шилдэг арга юм. Хэрэв та оймсгүй явмаар байвал нүдэнд ил харагддаггүй оймсыг сонгосон нь дээр. Ийм төрлийн оймс нь зөвхөн хумс, ул, өсгий зэргийг бүрхдэг бөгөөд таны хувцаслалтыг баллах урт эмжээр байхгүй.

Мөн та энэ улирлын трэнд болж буй логотой атлетик оймсыг сонирхоорой. Та өөрийн хөлөө гудамжны чөлөөт стилийн брэндүүд болох Liam Hodges, Gosha Rubchinskiy эсвэл Nike зэргээр чимээрэй. Хэрвээ та өндөр бол та урт оймс өмсөж болох ба хэрэв тийм биш бол оймсоо яг шагайн дээгүүрээ байлгаснаар хөлөө богинохон харагдуулахгүй юм.