АНУ-ын Жоржиа мужийн Хапевил хотод 2018 оны 12 дугаар сарын 21-нд цагдаагийнхан нэгэн сэжигтэй этгээдийг саатуулж, нэгэн аймшигтай нээлтийг хийсэн болохыг олж илрүүлсэн тухай Newsner-т мэдээлжээ.
Сэжигтэнд нэгжлэг хийх явцад мөнгө, зэвсэг, хар тамхи олдсон байна. Хамгийн аймшигтай нь хар тамхийг амттан болгон анзаарагдахааргүй байдлаар өөрчилжээ. Жишээ нь чупа-чупс л гэхэд каннабисын найрлагатай бол кокаин, мансууруулах эмийг чихэр хэлбэртэй болгожээ.
“Харахад энгийн л чихэр мэт юм. Тиймээс эцэг эхчүүд, багш нар хүүхдүүддээ анхааруулаарай” хэмээн Хапевиллийн цагдаагийн газрын алба хаагч Жейсон Дайер мэдэгджээ.
Америкийн цагдаагийн газар чихэр хэлбэрээр далдлагдсан хар тамхитай нэг бус удаа таарч байгаа аж. Энэ төрлийн хэлбэрээр далдлагдсан хар тамхи дэлхий даяар хурдан тархаж байгааг мөн анхааруулжээ.
