Малайзийн хаан Sultan Muhammad V хаан ширээнээсээ огцрох хүсэлтийг өчигдөр гаргажээ. Огцрох болсон шалтгааныг нь түүний эхнэртэй холбон тайлбарласан байна. Тэрээр өнгөрсөн 11 дүгээр сард Мисс Москва 2015-ийн ялагч Оксана Воеводинатай гэрлэсэн юм.
5-р Мухаммад хаан улсынхаа хаан ширээнд 2016 оны сүүлээр заларсан ч хаан сэнтийд суух 5 жилийн хугацаагаа дуусгалгүйгээр өөрийн хүсэлтээр эрх ямбаасаа татгалзжээ. Энэ нь Малайзын шинэ цагийн түүхэн дэх хаан өөрийн хүслээр хаан ширээнээсээ түтгэлзэн буусан анхны тохиолдол болсон байна.
Мухаммад хаан ширээнд залрахаас өмнө Келантан мужийн захирагч байсан бөгөөд 47 настайдаа хаан ширээнд заларч улсынхаа түүхэн дэх хамгийн залуу хаадын нэг болж байжээ.
Одоогоор 5-р Мухаммадын хаан сэнтийгээсээ татгалзсан шалтгаан нөхцөл тодорхойгүй байгаа ч Ройтерс агентлаг Малайзын хаан эрүүл мэндийн шалтгаанаар 2 сар төрийн үйл хэргээс хөндийрч байгаад өнгөрсөн долоо хоногт эргэн ирсэн талаар мэдээлж байсан юм.
Мухаммад улсынхаа хаан ширээнээс буусан хэдий ч Келантан мужийн амбан захирагч буюу султанаар хэвээр үлдэх юм.
