Сэтгүүлч Л.Мөнхбаясгалан дуучин Нараг зоригжуулав

 

 

ОлнооГанбууш хэмээх нэрээрээ танил Монголын бэлгийн цөөнхийн
анхдагчийн нэг Н.Ган-Одын УИХ-ын сонгуульд нэр дэвшиж буй дуучин Нара буюу М.Нарантуяа уруу дайрсан, доромж үгтэй бичлэг шинэ долоо
хоногийн эхний өдөр олон
нийтийн сүлжээгээр тарж,
олон түмнээр шүүмжлүүлж Нараг харлуулах гэсэн биш харин ч түүний нэр хүндийг
өсгөсөн үйл явдал боллоо.

Олон
түмэн энэ бичлэгтэй холбогдуулан өөр өөрсдийнхөөрөө үзэл бодлоо илэрхийлсний дотор сэтгүүлч Л.Мөнхбаясгалан дуучин Нарад зориулж өөрийн үгээ хэлсэн байна. Тэрээр \”Сайн уу Нара, шинэ
долоо хоногийн мэнд хүргэе. Чамайг УИХ-д нэр дэвшиж байгааг бусдын адил
сонирхон шохоорон хараад л хаяа чамд лайк илгээгээд л сууж байгаа ФБ найзуудын
чинь нэг байна. Чамд хэдэн үг хандаж хэлэхсэн гэж бодсоор явтал юу юугүй
сонгууль хаяанд буучихлаа. Юуны өмнө чиний зоримог үйлдэлд талархаж байна.
УИХ-д нэр дэвшиж үеэ манлайлж байгааг чинь бахархан харж сууна. Эмэгтэй хүн тэр
тусмаа олны танил залуу сайхан, тэгээд амжилттай яваа бүсгүй хүнд бусдаас
гурав, бүр дөрөв дахин их хичээл зүтгэл, хүч хөдөлмөр хэрэгтэй байдаг байх шүү. Чи чаднаа, гүтгэлэг доромжлол одоо цаг минутаар хэмжигдэж ирнэ. Туулаад гарах
чадвар чамд буй гэдэгт итгэж байна. Би лав чамайг оффшорт мөнгөө аваачиж
нуухгүй, газар нутгаа худалдахгүй, авилга өгч авалцаад байхгүй гэдэгт гүнээ
итгэнэ. Чамайг басч байгаа энэ хийрхэл бол нэгдүгээрт эмэгтэй хүн болж төрсөний
чинь хариу, хоёрдугаарт залуу гэнэн цэвэр сайхан үеэ үл тоох хэсэгхээн
хүмүүсийн муйхар илрэл юм шүү. Тэрнээс нийгэм чамд ингэж хандахгүй ээ. Яадгийм
миний дүү зоригтой, шийдэмгий байж муу бүхний өмнөөс сөрж, сайн сайхан бүхэн
рүү тэмүүлж өрсөлдөөрэй. Амжилт хүсье. Сэтгүүлч Л.Мөнхбаясгалан” гэсэн байна.

 

Нинж