УИХ-ын гишүүн асан М.Батчимэгийн зөвлөхөөр ажиллаж байсан З.Пагмажавыг улсын нууцтай холбоотой мэдээллийг Тайваний талд дамжуулсан хэмээн үзэж анхан шатны шүүхээс түүнд ял оноосон. Харин шүүгдэгч өөрийгөө буруугүй хэмээн үзэж давж заалдсаар Улсын Дээд шүүхээс ял сонссон байна.
Улсын Дээд шүүхийн хяналтын шатны эрүүгийн хэргийн шүүх хуралдаанаар З.Пагмажавд холбогдох эрүүгийн хэргийг шүүгдэгч болон түүний өмгөөлөгчийн гаргасан гомдлын дагуу 2019 оны 1 дүгээр сарын 9-ний өдөр хянан хэлэлцээд анхан болон давж заалдах шатны шүүхийн шийдвэрийг хэвээр үлдээлээ.
Анхан болон давж заалдах шатны шүүх З.Пагмажавыг гадаадын тагнуулын албатай хамтран ажилласан гэмт хэрэг үйлдсэн гэм буруутайд тооцож, Эрүүгийн хуулийн 19.4 дүгээр зүйлийн 1 дэх хэсэгт зааснаар 8 жил хорих ял оногдуулсан юм.
