![\"\"](http://undesten.mn/uploads/posts/2016-06/1465517086_13428644_649018658579018_4820344223556856061_n.jpg "\\"\\"")
\”Операция шторм\” төсөлд оролцогчид 7 дахь буюу сүүлийн өдрийг өглөөний 04.00 цагт түгшүүрийн дохиогоор боссоноор эхлэв. Маш богино хугацаанд босож хувцаслаад зэвсэг, эд хэрэгслээ авсаны дараа байлдааны урьдчилсан захирамж танилцуулав. Тушаалд заагдсанаар тасгууд байнгын байрлалын орхиж 12 цаг үргэлжлэх тактикийн цогцолбор дасгал боловсруулах ёстой юм. Ингээд бүрэн зэвсэглэсэн хоёр тасаг, харанхуйд ой дотор, явган марш үйлдэж явсаар заагдсан газарт ирлээ. Энд цэрэг нэг бүрийн майхан цувнуудаа холбож, жижиг майхан барих даалгавар биелүүллээ.
Өглөөний 05.00 цагт цэргүүд өөрсдийн үүргэвчид буй бэлэн хоолыг жижиг гал түлж халаагаад цайгаа уусан. Харин 06.00 цагт тасгууд дараагийн үүрэг гүйцэтгэх зорилгоор цугларах районд явж очив. Тэнд сургагч багш нараас хууль бус зэвсэгт бүлэглэлийн тээврийн хэрэгсэлд отолт зохион байгуулж, чухал ач холбогдолтой бичиг баримт олзолж авах үүрэг авлаа. Ингээд тасгууд дайрах, халхлах болон дэмжлэгийн гэсэн дэд бүлгүүдэд хуваагдаж, үүргээ тодотгов. Долоон цагийн үед \”Камаз\” маркийн автомашин отолт хийж буй зам дээр орж ирэхэд түүнийг устгаад заагдсан бичиг баримтыг олзолж авлаа.
![\"\"](http://undesten.mn/uploads/posts/2016-06/1465517100_13393945_649018668579017_5988210428731132955_n.jpg "\\"\\"")
Үүний дараа тактикийн нөхцөлд, ерөнхий цэргийн саадын зурвасыг туулав. Нормативд заагдсан хугацаанд багтаж туулахын тулд нэлээд хөдөлмөр, хөлс урсаж байгаа нь илт харагдаж байв. Хажуугаар газ эсэргүүцэгч маск өмсөөд хордсон газар орон туулсаны дараа оролцогчид нэлээд ядарсан харагдсан.
![\"\"](http://undesten.mn/uploads/posts/2016-06/1465517073_13346914_649018691912348_871334797407053866_n.jpg "\\"\\"")
![\"\"](http://undesten.mn/uploads/posts/2016-06/1465517068_13346672_649018698579014_483239399404833810_n.jpg "\\"\\"")
![\"\"](http://undesten.mn/uploads/posts/2016-06/1465517067_13413101_649018665245684_4438035302354764967_n.jpg "\\"\\"")
![\"\"](http://undesten.mn/uploads/posts/2016-06/1465517091_13423949_649018708579013_8203953598865767016_n.jpg "\\"\\"")
Дараа нь багийн гар нийлсэн ажиллагааг харуулсан даалгавар хүлээн авлаа. Энэ бол \”БМД-2\” десантын машины тасарсан гинжийг холбож, тодорхой хэмжээний газар марш үйлдэх явдал байв. Ингээд байлдааны машинаар марш үйлдэж, буудлагын полигонд ирсэний дараа хүн бүр байлдааны сум, галт хэрэглэл хүлээн авч урдаа буй \”бай\”-нуудыг устгах үүрэг аваад гал нээж эхлэв. Буудлагын дараа 12 цаг үргэлжилсэн тактикийн цогцолбор дасгал, мөн түүнчлэн 7 хоног үргэлжилсэн \”Операция шторм\” төсөл ч амжилттай явагдаж дууслаа. Оролцогчид бүгд ОХУ-ын шүхэр-десантын цэргийн билэг тэмдэг болсон \”цэнхэр берет\” малгай хүлээн авсан. Энэ бол энгийн иргэд цэрэг-эх оронч үзэл төлөвшүүлэх, армийн амьдрал, ажил хөдөлмөрийн сурталчилсан сайхан арга хэмжээ болсон.
Р.Энхболд
![\"\"](http://undesten.mn/uploads/posts/2016-06/1465517073_logo.jpg "\\"\\""){kind=logo}
