Ж.Мөнхбат: Ард түмний итгэлийн луужин Ардын намыг зааж байна

Түүний дараа МАН-ын Ерөнхий нарийн бичгийн дарга Ж.Мөнхбат үг хэлж мэндчилгээ дэвшүүлсэнийг хүргэж байна.

\”… Нар хур тэгширсэн энэ сайхан өдөр улс төрийн ууган хүчин болох МАН-ын сонгуулийн сурталчилгаагаа Монгол хүн бүр сайн цаг хэмээн билэгшээж морин цагт хуулийн дагуу албан
ёсоор эхлүүлж байна. Манай МАН \”Бид зүтгэнэ, Хамтдаа хөгжинө” гэсэн уриаг дэвшүүлж Монгол хүн бүрийн золбоо өөдрөг байж, Монгол улс өөдлөн дэвжихийн ерөөлийг бодож билэгт сайн өдрийн морин цагт Монгол эх орон даяараа сонгуулийнхаа сурталчилгааныхаа нээлтийг
албан ёсоор хийж байна. Нийгэм эдийн засгийн болон цаг үеийн хүнд үед Монголын ард түмэн Ардын намдаа итгэ бид та бүхнийхээ итгэлийг дааж хариуцлагыг нь үүрч улс үндэстнээ нийгэм цаг үеийн болоод эдийн засгийн хүнд байдлаас гаргаж байсан түүх, хамтын ажиллагаа ийм туршлага бид бүхэнд бий.

Монгол улсын нийгэм эдийн засаг, цаг үеийн байдал туйлын хүнд хэцүү байгаа, ард түмний орлого багасч, эх орны аюулгүй байдал, эрсдэл, нүүрлэж болзошгүй түүхэн хариуцлагатай энэ цаг үед энэ удаагийн сонгууль тохиож байгаа нь онцлогтой. Өнөөгийн эрх баригчид өөрсдийн харлаган бодлогын уршгаар улс оронд бий болгосон хүнд байдлыг хайцаалан нууж иргэд олны бодол санааг төөрөгдүүлэн будилаантуулахын тулд элдэв арга хэрэглэж эхэллээ. Сонгуульд ямар ч аргаар хамаагүй ялж төрийн сүлдний дор нуугдаж бусармаг үйлдэл, алдаатай ажиллагаагаа аргацаалан өнгөрөөхийг эрмэлзсэн эрх баригчид сонгуулийн хууль зөрчсөн бэлэн мөнгний амлалт хувь, хувьцаа өгөх тухай ээлжит улс төрийн шоугаа засгийн газрын үйл ажиллагаа мэт харагдахаар эхлүүлж байгаа гэдгийг ард түмэн маань мэдэж байгаа. Мөн Монголын ард түмэн төр засгийн алаг цагааныг ялган харж байгаа гэдгийг энэхүү индэр дээрээс хэлмээр байна. Бүтэн дөрвөн жил эдийн засгаа элгээр нь мөлхүүлчихээд улс түмнээ өр ширэнд оруулчихаад, ард түмэндээ алгаа тэнийлгээгүй эрх баригч ноёдууд тонгуулийн өмнөх өдөр яагаад бэлэн мөнгө тараах тухай ярьж ард түмэнд хайр зарлаж эхлэв гэдгийг ард түмэн та бүхэн ойлгон мэдэж ухан танилцсан байгаа гэдгийг ба дахин хэлье. Сонгогч таны татварын мөнгө, өрхийн орлогоор тань таны саналыг худалдан аваад дахиад дөрвөн жил дураараа дургих алхамаа хийж байгаа нь энэ юм. Дахиад бонд босгож өр нэмээд үр хүүхдийн маань ирээдүйг барицаанд тавьж бөайна гэж түмэн олон турхиран шуугиж ярьж байна. Өгч байгаа мөнгийг нь ав харин сонгох саналаа өөрийнхөөрөө сонго гэх Мэндийн Зэнээгийн хэлсэн үгийг онцлон хэлмээр байна.

Ард түмний амны салхи итгэлийн луужин Ардын намыг зааж чиглэж байна. Манай нам бол ачааны тэнг тэнцүүлэх аавын нөмөртэй ард олны итгэлийг даах носн нуруутай тулхтай
туршлагатай улс төрийн хүчин бид улс орноо хөгжүүлэх мөрийн хөтөлбөрөө албан тасалгааны цонхоор харж биш ард түмний дунд нь орж боловсруулсан юм. МАН-аас шилдэг нэр дэвшигчдийнхээ дөрөөн дээр сүү дусаан сонгогч түмэн та бүхэндээ илгээж байна.

Эрхэм сонгогч дэмжигчид
та бүхэн сонголтоо зөв хийж манай нэр дэвшигчидэд итгэл хүлээлгэн сонгохыг уриалж байна” гэв.

Х.Баяр-Угтах