Жин хасна гэдэг нь тухайн хүний хүчин чармайлт, хүсэл эрмэлзэлтэй шууд холбоотой байдаг. Нэг өглөө босоод ирэхэд л ид шидийн мэт хүссэн жин, халуухан галбирт хүрэхгүй шүү дээ. Хэрвээ та төрөл бүрийн хоолны дэглэм барьж байгаа боловч жин сайн хасагдахгүй байгаа доорх өглөөний цайг дагаад дасгал хөдөлгөөнийг залхуурч, хойш суулгүй хийгээд үзээрэй.
Өглөөний цайнд Пицца
Өглөөний цайнд шууд л пицца иднэ гэхээр аймшигтай сонсогдож байна уу? Гэхдээ бидний амтархан иддэг пицца огтоос биш юм шүү. Бэлтгэсэн пиццаны гурилаа нимгэн элдэж 230 градуст 3-4 минут болгоно. Хамгийн гол нь гурил шажигнасан байх ёстой. Дээр нь сода багатай улаан лоолийн соус түрхээд, амтагдах төдий хиам тавиарай. Хамгийн их амт оруулдаг бяслаг ороогүйг анзаарсан биздээ.
Жимстэй парфе
Дундаж хэмжээтэй шилэн аяганд тосгүй тараг мөн бөөрөлзгөнө, гүзээлзгэнэ, эрдэнэ шиш хийж идээрэй. Элсэн чихэр нэмж хийх шаардлагагүй. Маш сайхан амттайгаас гадна өег өглөөний хоол байх болно.
Зести буррито
Энэхүү бурритод мах ордоггүй. 3 ширхэг өндөгний цагааныг нийлүүлэн шарж чаддер, халапено бяслагаар баяжуулана. Хэрвээ та хүсвэл амтат чинжүү, хар шош зэргийг нэмж болно. Эдгээр зүйлс нь олон цагаар хүнд цатгалан байх мэдрэмжийг төрүүлдэг байна.
Жамбо шарвин
Жижигрүүлж бэлтгэсэн хагас аяга овъёосыг 4 өндөгний цагаан, хагас цайны халбага ваниллын охь, бүтэн хоолны халбага элсэн сахар, хагас цайны халбага синнамон нийлүүлэн хутгаад алтан шаргал өнгөтэй болтол шарна. Энэ шарвин нь ердөө л 266 калорийг өөртөө агуулдаг.
Амттай овъёос
Буцалсан бүлээн усанд дэвтээж болгосон овъёосыг гүзээлзгэнэ, бөөрөлзгөнөтэй хамт иднэ.
Тансаг сендвич
Франц талх амттангууд манайд харьцангуй элбэг болсон шүү дээ. Жижиг талхан дээр калори багатай крем бяслаг түрхээд чавган улаан лоольтой иднэ.
Жимсний смүүти
Унтахын өмнө тал банана, нэг аяга бөөрөлзгөнөтэй хамт хөлдөөгөөрэй. Өглөө нь хөлдөөсөн жимснүүдээ тосгүй тарагтай холиод шинэхэн смүүти уугаарай.
emegteichuud.mn
