Холливүүдийн шинэ уран бүтээл “Алита” киноны уран нугаралтын хэсгийг уран нугараач Монгол бүсгүй Отгонбаяр овогтой Уугантуяа бүтээснийг та мэдэх үү?
Алдарт найруулагч, кино зохиолч Жэймс Камероны зохиол “Alita: Battle angel” адал явдалт, уран зөгнөлт кино Монголд төдийгүй дэлхий нийтэд нээлтээ хийгээд удаагүй байгаа билээ. Тус киноны найруулагчаар Роберт Родригоз ажилласан ба гол дүрд жүжигчин Роза Салазар тогложээ. О.Уугантуяагийн хувьд гол дүрийн жүжигчний уран нугаралттай хэсэгт орлон тоглосон байна. Тэрбээр гэр бүлийн хамт АНУ-ын Флорида мужийн Майами хотод амьдардаг. 23 жил уран нугаралтаар хичээллэж байгаа бөгөөд одоогоор Австралийн Сидней хотын “Opera house”-т шоу тоглолтоор ажиллаж байгаа аж.
