Увс нутгийг минь улс төрийн зорилго доо ашиглаж, нэр хүндийг нь бүү сэвтээ

УИХ-ын
дарга З.Энхболд Увс аймагт ажиллах үеэр золтой л \”долдугаар сарын 1”
давтагдчихсангүй. Гэхдээ Монголчууд ухаантай. Тиймээс хэн нэгний улс төрийн
зорилготой турхиралтад дахин автаж, мунхаглахгүй л дээ. Гэвч цөөн хэсэг нь хоёр талд хуваагдан зорилго
доо хүрээд авлаа. Үүний үр уршигаар цахим хуудаснаа залуус хоёр талд
хуваагдчихаад байна. Монгол, Хятад гэж үү, эсвэл АН, МАН гэж үү? Үгүй. Тэд Увс,
Халхаараа хуваагдчихаад байна. Энэ л үймээнийг турхирсан хүмүүсийн зорилго
байсан болов уу.

 

Увс бол
Монгол Улсын нэг аймаг. Гэтэл Монголоос тусгайрлах, ангилж ялгах, эзэмших,
өмчлөх хүсэл зарим хүмүүс байгаа харагдах юм. УИХ-ын дарга З.Энхболд
бодлогогүй, хэт нэг талыг барьсан үгс чуулганы индэр дээрээс \”чулуудсан” нь
үнэн. Үүнд хариуцлага тооцох, бан хүртээх нь ч зөв. Гэхдээ энэ нь Монголчуудыг
хагалан бутаргах шалтгаан биш гэж бодож байна.

 

Баян-Өлгий
аймгийн Засаг дарга Х.Дармен \”тусгаар улс байгуулах” сонирхол буй тухай ярьсан
нь нэг хэсэг шуугиан тарьж байлаа. Тэгвэл Увс аймгийн МАН-ынхны үймээн
Х.Дармены \”үзэл суртал”-тай утга нэг байв уу гэж хардахад хүргэлээ. Өөрөөр
хэлбэл Увс гэгч тусгаарлагдсан аймаг бий болж. Тэдний эмзэглэж байгаагаар хэл
нь өөр бололтой. Мөн түүх нь ч өөр гэнэ.

Монгол
Улсыг төрийг 44 жил удирдсан Юмжаагийн Цэдэнбалыг ч бас өмчлөх гэлээ.
Ю.Цэдэнбал Увс нутгийн хүн мөн. Гэхдээ тэр Монгол хүн, Монголын төрийн удирдаж
байсан бид бүхний хайртай удирдагч. Гэтэл энэ хүнийг өмчилж, түүгээрээ улс
төр хийж байгааг харахад урам хугармаар.

\”Ю.Цэдэнбалын
нэр төрийг сэргээсэнгүй, эхнэрийнх нь гавьяа шагналыг өгсөнгүй” гэж Увсын
МАН-ынхан уцаарлаж, З.Энхболдыг эсэргүүцээд байгаа бололтой. Яг үнэндээ МАН /тухайн
үеийн МАХН/ л Ю.Цэдэнбалын \”Үсийг нь цайтал зарчихаад, ясыг нь цайтал зовоосон”,
хэлмэгдүүлсэн, нэр төрийг нь сэвтүүлсэн, эхнэрийнх нь гавьяа шагналыг хураах
үйл ажиллагааг зохион байгуулсан санагдах юм.

Гэтэл энэ \”буруу”-г
яагаад З.Энхболдоос, цаашлаа Увсчуудаас нэхээд байгааг ойлгохгүй юм. МАН-д
Засаг барьж байсан сайхан үеүүд бий. Магадгүй өнгөрсөн дөрвөн жилд л сөрөг
хүчин болж ажилласан биз. Түүнээс бусад үед МАН \”мандан бадарч” байсандаг. Энэ
үедээ Ю.Цэдэнбалын нэр төрийг сэргээхгүй юугаа хийж байсан юм бэ. Ойлгохгүй юм.
Ердөө л улс төрийн зорилготой энэ үйлдэлдээ Монголын ард түмний хайр хүндлэлийг
хүлээсэн их удирдагчийн нэр хүндийг ашиглаж байгаа нь илт харагдлаа.

 

Одоо больж
үз.

 

\”Шударга сайхан өрсөлдье” гээд чуулганы танхимд орилоод байсан нь хэн
билээ. Тэгвэл түүнийгээ л хий. Битгий Монголчуудыг хагаралдуул. Угаасаа яс
үндэс ярьсан асуудалд Монголчууд эмзэг. Үүнийг нь ашиглаж өөрсөддөө оноо авч,
давраад УИХ-ын гишүүн болохоор санаархаж байгаа бол уучлаарай \”наад санааг чинь
Манжууд хэрэглэдэг юм. Монголчууд харин нэгдэж байгаа тэмцдэг юм” гэж хэлмээр
санагдчихлаа.

\”Биеэ тоосон\” АН, \”санаа муутай\” МАН-ын
хэн ч ялсан маньд хамаа алга. Гол нь буурал эмээгийн минь нутгийг, Монгол түмний түүхийг
тайван байлгаж үз.

 

А.Аюуш