Гол өрсөлдөөн Монгол, Хонг Конг, Сингапурын хооронд болно

Ази тивийн 23 хүртэлх насны АШТ-ий урьдчилсан шатны “G” хэсгийн тоглолтууд 3 дугаар сарын 22-26-ны өдрүүдэд Монголын Хөлбөмбөгийн холбооны цэнгэлдэх хүрээлэнд болох гэж байна.
Майкл Вайсс дасгалжуулагчтай Монголын залуучуудын шигшээ баг БНАСАУ, Хонг Конг, Сингапур улсуудтай тоглох бөгөөд өрсөлдөгч багууд 03-р сарын 18-нд манай эх оронд ирсэн билээ.
Азийн Хөлбөмбөгийн холбооноос 23 хүртэлх насны залуучуудын АШТ-ийг 2013, 2016, 2018 онд зохион байгуулсан. Энэ удаагийн тэмцээн нь 2020 онд Тайландад болох Азийн 23 хүртэлх насныхны АШТ-ий урьдчилсан шатны тоглолтууд юм.
Монгол улстай нэг хэсэгт багтсан БНАСАУ-ын 23 хүртэлх насны баг өнгөрсөн гурван удаагийн тэмцээний шигшээ шатанд шалгарч байсан туршлагатай. Бусад гурван улсын хувьд урьдчилсан шатыг давж байсан удаагүй. Тэр ч утгаараа хэсгийн гол фоварит гэгдэж буй БНАСАУ-ын багтай Монгол, Хонг Конг, Сингапурын багууд хэрхэн тоглох нь сонирхол татаж байна.
Монголын 23 хүртэлх насны шигшээ багийн бүрэлдэхүүн:
Хаалгачид:
• Санчирын Ананд /Канад/
• Ариунбатын Мэндбаяр /Дэрэн/
• Энхбаатарын Ерөөлт /Сэлэнгэпресс/
Хамгаалагчид:
• Орхоны Мөнх-Оргил /Дэрэн/
• Туяагийн Хаш-Эрдэнэ /Дэрэн/
• Эрдэнэчимэгийн Өнөр-Эрдэнэ /Дэрэн/
• Пүрэвдоржийн Баярцэнгэл /Сэлэнгэпресс/
• Хэнчяахавын Энхзориг /Андууд сити/
• Чүнчигноровын Шинэзуун /Эрчим/
• Бат-Эрдэнийн Ууганбат /Дэрэн/
• Отгонбаатарын Одбаяр /Андууд сити/
• Амараагийн Дөлгөөн /Дэрэн /
Хагас хамгаалагчид:
• Артагийн Нармандах /Улаанбаатар сити/
• Балжиннямын Батмөнх /Дэрэн/
• Алтансүхийн Тэмүүжин /Атлетик 220/
• Гантуяагийн Гантогтох /Улаанбаатар сити/
• Дүгэрийн Тэмүүлэн /Андууд сити/
• Пүрэвсүрэнгийн Энхбаяр /Дэрэн/
• Гэрэлт-Одын Бат-Оргил /Дэрэн/
Довтлогчид:
• Батболдын Балжинням /Эф Си Улаанбаатар/
• Маратханы Жансерик /Дэрэн/
• Батбаярын Хаш-Эрдэнэ /Андууд сити/
• Ганболдын Ганбаяр /Пушкаш академи/
Ахлах дасгалжуулагч: Майкл Вайсс
Туслах дасгалжуулагч: Зоригтын Баттулга
Багийн менежер: Бүүвэйбаатарын Учралсайхан