Та бүхэнд шинэ сард нь хамгийн сайн сайхныг хүсэн ерөөж санасан бүхэн нь сэтгэлчлэн бүтэх болтугай.
Хүндэтгэсэн
Одон орон зурхай судлаач Д.Жавхлан
Facebook: Javkhlan Dorjgotov
Хонины орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сар төрсөн өдрийн сар тул илүү эрч хүчтэй, урам зоригтой, шинэ эхлэл, шинэ боломж, шинэ чиглэлд өөрсдийгөө хөтөлөн чиглүүлэхэд маш тохиромжтой цаг үе юм. Энэхүү эрчим хүчийг өөрсдийн гадаад үзэмжинд болох гоо сайхан, хувцаслалт зэрэгт анхаарал хандуулж амьдралдаа аливаа шинэлэг зүйлсийг нэвтрүүлж, түүнийгээ дагаад бүрэн хэмжээний шинэчлэлт, өөрчлөлт хийхэд тохиромжтой юм.
Та бүхнийг сансар огторгуйгаас шинэ циклээр дахин цэнэглэгдэж эхэлснийг дуулгахын хажуугаар, өөртөө итгэлтэй урагш тэмүүлэхийг зөвлөх байна. Түүнчлэн та бүхний удирдагч ангараг гариг харилцаа холбоо, хэвлэл мэдээллийн салбарт анхаарал хандуулах нь байна.
Сарын сүүлийн 7 хоногт Нарны Шилжилт явагдаж та бүхний үнэ цэнэ, мөнгө санхүүгийн амьдрал яригдаж эхлэх юм.
Үерхэл – Нөхөрлөл
Энэ үеэр ямарваа нэгэн дотны үерхэл, нөхөрлөлийн харилцаа холбоо дуусгавар болох төлөвтэй байна. Түүнчлэн бусдад сэтгэл санааны дэмжлэг болон ойр дотны хэн нэгнийг асарч, энэрэх шаардлага ч яригдах юм. Ганц бие хүмүүс энэ үеэр шинэ хүнтэй танилцах гэхээс илүүтэйгээр ганцаар байхыг эрмэлзэж өмнө нь үерхэж, нөхөрлөж байсан нэгэн амьдралд буцан гаран ирж нууцлаг холбоо үүсгэх ч тал зарим тохиолдолд гардаг байна.
Үхрийн орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд өнгөрсөн түүхтэй холбоотой зүйлс сөхөгдөнө гарч ирж түүнтэйгээ нүүр тулж цэгцлэх шаардлагатай тулгарах төлөвтэй байна. Амьдралд тань утга учир өгөхөө больсон болон цаг хугацаан дууссан, хатсан, муудсан аливаа зүйлээс салахад маш тохиромжтой цаг юм. Энэ бол цэвэрлэгээний, ариусалын чухал цаг мөч тул бүхий л муу зуршлаасаа салж өөрийн гүн гүнзгий дотоод ертөнцөөр аялахад тохиромжтой юм. Энэ үеэр эрчим хүчний хувьд доогуур байх тул сайтар амарч аливаа шинэ зүйлс эхлүүлэлгүй харин бэлдэхэд мөн тохиромжтой билээ. Шүлэг яруу найраг сонирхон бичиж, иог бясалгал, хийсвэр ертөнцөөр мөрөөдөн аялаж амрахад энэхүү нарны шилжилт оршиж байгаа юм.
Энэ үеэр хүмүүнлэгийн ажил болон туслалцаа дэмжлэг зэрэг зүйлс яригдах төлөвтэй байдаг байна.
Сарын сүүлийн 7 хоногт Нарны Шилжилт явагдаж таны төрсөн өдөр ирж буй тул аливаа шинэ зүйлс эхлүүлэхэд өлзийтэй ба эрчим хүчний хувьд сансар огторгуйгаас дахин цэнэглэгдэх учиртай юм.
Үерхэл – Нөхөрлөл
Энэ үеэр найз нөхөрлөлийн холбоосоор болон олон нийтийн үйл ажиллагаа, ижилхэн сонирхол нэгт нөхдүүдийн групп, сошил ертөнцөөр, шинжлэх ухаан танин мэдэхүйн, техник технологийн салбарын шинэхэн танилтай болох төлөвтэй байна. Найз нөхдүүдийн хооронд үнэ цэнэ, мөнгө санхүүгийн талаар яриа хөөрөө гарах төлөвтэй байх юм.
Ихрийн орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сар нь найз нөхдийн хүрээлэл, олон нийтийг хамарсан үйл ажиллагаа, сайн дурын хүмүүнлэнгийн үйл явдал, ирээдүйн хэтийн зорилго зэрэг ихэд адал явдалтай цаг үе байх нээ. Энэ үеэр ялангуяа дотны найз нөхдүүд болон ижилхэн сонирхолтой хэсэг хүмүүстэй ирээдүйн зорилгынхоо талаар хуваалцах нь байна. Шинэ хүмүүстэй танилцаж, шинэ бүлэгт нэгдэж, хүний амьдралын нэгэн утга учрыг бүрэлдүүлж байдаг дотны найз нөхөд тань хэрхэн танд нөлөөлдөг болохыг чагнах цаг юм. Түүнчлэн таны удирдагч буд гариг эрх мэдэл, албан тушаалтай холбоотой асуудал дээр анхаарал хандуулахыг зорих юм.
Сарын сүүлийн 7 хоногт Нарны Шилжилт явагдаж нар таны арын ордонд орж ирэх тул эрчим хүчний хувьд нөхөж, амрах цаг ирэх нь байна.
Үерхэл – Нөхөрлөл
Энэ үеэр шинэ санаа оноо гарч ирэх, ажил мэргэжил, албан тушаалын холбоогоор хэн нэгэнтэй танилцаж, нөхөрлөх төлөвтэй байна. Өөрөөс насаар ахмад, нэг бол эрх мэдлээр илүү нэгэнтэй холбоо сүлбээ үүсгэхэд ихэд тохиромжтой юм. Цалин хөлсөө нэмэгдүүлэх, ажил албаа ахиулах, өөрөөс албан тушаал илүү хүмүүстэй хамтран ажиллахад болон тэдний туслалцаа дэмжлэг авахад таатай үе юм.
Энэ үеэр нэр төр, албан тушаал, насаар ахмад, нэг бол насаар хэт дүү, эрх мэдэлтэй нэгэнтэй танилцах боломж гарч ирдэг байна.
Мэлхийн орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сард албан тушаал, эрх мэдэл, нэр төр, нийгэмд эзлэх байр суурь, мэргэжил боловсролтой холбоотойгоор чухал үйл явдал тохиолдох төлөвтэй байна. Энэ үеэр та бүхэн бусдын нүдэнд ил тод харагдах тул ажил албатай холбоотой асуудлыг зориглон шийдэж урагш тэмүүлэхийг зөвлөх байна. Өөрөөс илүү эрх мэдэлтэй хүмүүстэй болон ахмад настай хүмүүстэй зөв зохистой харьцаж нэр төрийн хувьд, албан тушаалын хувьд анхаарах шаардлагатай байна. Өөрийн амьдралын тань нэгээхэн чухал хэсэг болох албан тушаал тань үр ашиг хэрхэн өгч байна вэ гэдгээ тунгаан бодох цаг юм.
Сарын сүүлийн 7 хоногт Нарны Шилжилт явагдаж та бүхний дотны найз нөхдийн хүрээлэл болон олон нийтийг хамарсан үйл ажиллагаа зэрэг зүйлс яригдах төлөвтэй байна.
Үерхэл – Нөхөрлөл
Энэ үеэр адал явдалыг ихэд эрэлхийлэх тул өөрөөс тань суурь хүмүүжил болон боловсролын түвшний хувьд өөр нэгэн, гадаадын иргэн, гадаадын соёл уламжлалын дагуу найз нөхдийн хүрээгээ тэлэх боломж бүрдэх юм. Мөн энэ үед улс төрч болон нийгмийн зүтгэлтэн, шүүх засаглалын, гадаад харилцааны болон аялал жуулчлалын мэргэжилтэн, багш зэрэг салбарын танилуудтай яриа хөөрөө өрнүүлэх төлөвтэй байна.
Арслангийн орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сард хувь хүний ерөнхий танин мэдэхүйд болон итгэл үнэмшил, хорвоо ертөнцийг үзэх үзэлд тань тэлэлт явагдах төлөвтэй байна. Улс төрийн, философийн, шашин шүтлэгийн талаарх үзэл бодлоо чөлөөтэй илэрхийлсэн сар байх болно. Энэхүү эрчим хүчийг ямарваа нэгэн дээд мэдлэг боловсролын дагуу судалгаа шинжилгээ хийхэд ихэд тохиромжтой юм. Энэ үеэр мөн гадаад улсын соёл уламжлал, холын аялал, зарим тохиолдолд хэвлэлийн болон шүүх засаглалын байгууллагатай холбоотой зүйлс яригддаг байна.
Сарын сүүлийн 7 хоногт Нарны Шилжилт явагдаж та бүхний нэр төр, эрх мэдэл, албан тушаалтай холбоотой чухал зүйлс дээр анхаарал хандуулах шаардлага гарах нь байна.
Үерхэл – Нөхөрлөл
Энэ үеэр хайр дурлал, үерхэл нөхөрлөлийн хувьд гүн гүнзгий холбоо сүлбээс яригдах ба гэнэтийн мэдээ мэдээлэл, өөрийг тань шинэчлэх, өөрчлөх чухал нэгэнтэй учирч болзошгүй юм. Хөшигний араарах явдал, хууран мэхлэлт, хардалт сэрдэлт, хүчний өрсөлдөөн зэрэг эрчим хүчинд автахгүй байхыг зөвлөе. Нууцлаг нэгэн, мөрдөгч, мэс засалч, сэтгэл зүйч, судлаач, банк санхүүгийн мэргэжилтэй хүмүүстэй танилцах төлөвтэй байна.
Охины орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сар маш чухал үр дүн, нөлөөлөл авчирсан сар байх болно. Энэ үеэр үхэх, төрөхтэй холбоотой зүйлс сонсогдож болзошгүй ба гэнэтийн мэдээ, мэдээлэл дуулдах, нууц мэдлэг, мэдээлэл олж авах, хувь хүний сэтгэл зүйн хөдлөл хоёр өөр туйлд шийдэгдэх болон амьдралаа шинэчлэж, өөрчлөхийг ихэд эрмэлзэх болно. Энэхүү эрчим хүчийг ямарваа нэгэн гүн гүнзгий судалгаа шинжилгээнд зориулах аваас үр дүн өндөртэй байна. Бусдын мөнгө санхүүгийн туслалцаа дэмжлэг, хамтын санхүүгийн тохиролцоо, өр зээл болон татвар, даатгал зэрэг банк санхүүтэй холбоотой зүйлс яригдах төлөвтэй байна.
Сарын сүүлийн 7 хоногт Нарны Шилжилт явагдаж та бүхний танин мэдэхүйн хөгжил, гадны соёл түүх уламжлал зэрэг зүйлс яригдах юм.
Үерхэл – Нөхөрлөл
Энэ үеэр нөхөрлөл, үерхэл, түншлэлийн хувьд ихэд ээлтэй ба гэрээ хэлэлцээр, тохиролцоо, хамтын тууштай үйл ажиллагаа эхлүүлэхэд болон хурим найр хийхэд мөн тохиромжтой юм.
Ганц бие хүмүүс сонирхож буй нэгэнтэйгээ холбоо тогтоож алсын аянд хамт амьдрахыг ихэд эрмэлзэх болно. Хууль шүүхийн болон уран бүтээлч нэгэнд татагдах төлөвтэй байна.
Жинлүүрийн орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сард амьдралынхаа аль нэг хэсэгт нэмэлт, өөрчлөлт хийж хэрэв зээ баланс алдагдсан бол түүнийгээ нөхөх хэрэгтэй болохыг олж илэрүүлэх шаардлагатай болох юм. Энэ үеэр өөрийн гэхээс илүүтэйгээр бусдын эрх ашиг илүүд тавигдах ба хувь хүний тоглолт гаргах гэхээсээ багийн, хамтарсан тоглолт чухал юм. Та хэтэрхий их цагийг ажил албандаа гаргаж байна уу…?! Тийм бол гэр бүлдээ болон ойр тойрныхоо хүмүүстэйгээ ойр, дотно байхыг эрмэлзэх юм. Энэ үеэр мөн эхнэр-нөхрийн хооронд дахь харилцаа холбоо, шүүх засаглал, бүхий л төрлийн түншлэл болон нөхөрлөлийн эрх ашиг яригддаг байна.
Сарын сүүлийн 7 хоногт Нарны Шилжилт явагдаж банз санхүү, бусдын мөнгө санхүүтэй холбоотой сэдэв сөхөгдөх ба гэнэтийн мэдээ, мэдээлэл зэрэг зүйлс сонсогдох юм.
Үерхэл – Нөхөрлөл
Та бүхэн энэ үеэр ажил төрлийн холбоосоор болон ажлын хамт олны дундаас, эрүүл мэнд, спортын салбарынхны дундаас хэн нэгнийг сонирхож танилын хүрээгээ тэлэх төлөвтэй байна. Хэрэв ганц бие хүмүүс энэ үеэр хайр дурлал холбоо эхлүүлэх аваас тийм ч хүчтэй байдаггүй ба тухайн хүнийг бараг л ажилд авч буй мэт судалдаг байна. Ажлын хамт олны дунд таны нэр хүнд яригдаж бүтээлч сэтгэхүй өндөр байх нь байна.
Хилэнцийн орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сарын эрчим хүчийг өөрсдийн физик биендээ анхаарал хандуулж, эрүүл мэндийн оношлогоо-шинжилгээ өгөх, спорт-фитнэсээр хичээллэх, илүү жингээ хасах, өдөр тутмын зуршлаа өөрчлөн шинэчлэхэд маш тохиромжтой юм. Жил бүрийн энэ үеэр өөрсдийн биеэнд агуулагдаж буй хорт бодис болох илүүдэл чихэр, давс, архи, тамхины хор уршгийн талаар зөв ойлголт авч түүнээс ангижирах болон өөрийн бие махбодидоо гүн цэвэрлэгээ хийхийг зөвлөх байна. Мөн энэ үеэр та бүхний логик сэтгэлгээ болон анализ хийх чадвар онц гойд байх тул өдөр тутмын ажлын үр дүнд өсөлт гарч хамт олны дунд нөлөө бүхий байх ба тэдний эрх ашиг хөндөгдөх төлөвтэй байна.
Түүнчлэн энэ үеэр ан амьтантай холбоотой сэдэв яригдах төлөвтэй байна.
Сарын сүүлийн 7 хоногт Нарны Шилжилт явагдаж та бүхний хувьд амьдралынхаа тэнцвэрт байдалд анхаарал хандуулах шаардлага гарах юм.
Үерхэл – Нөхөрлөл
Энэ үеэр танд хэн нэгэн маш хүчтэй татагдах төлөвтэй байна. Заавал ч үгүй ганц бие гэхээсээ илүүтэйгээр хосуудын хувьд хайртай хүнтэйгээ, таалагддаг хүнтэйгээ дуурь, драмын театр, кино театр, ресторан зэрэг газруудад болзож цагийг зөв, зугаатай өнгөрүүлэхэд маш тохиромжтой эрчим хүч юм. Энэ үеэр хайр дурлалтай холбоотой болон үр хүүхэдтэй холбоотой сэдэв ихэд яригдах бөгөөд мөн таны бүтээлч сэтгэхүй өндөр байхаас гадна уран бүтээлч болон урлагын нэгэнтэй, биеэ даасан нэгэнтэй танилцах төлөвтэй байна.
Нумын орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сар эрх чөлөө, зугаа цэнгэл, адал явдалын сар байх болно. Энэ үеэр нэг газраа удаан суух болон ажил мэргэжилдээ анхаарал хандуулахад төвөгтэй мэт санагдаж найз нөхдүүдтэйгээ шоу цэнгээний газруудаар явж, цагийг эрх дураараа өнгөрүүлэхийг ихэд эрмэлзэх юм. Таны дотоод ертөнцөд нуугдаж буй охин, хөвгүүн тань дахин амь орсон мэт сэрж явдал явдалтай учрахыг тэмүүлэх ба үүнийгээ дагаад хайр дурлалтай холбоотой зүйлс ч яригдах төлөвтэй байна. Энэхүү эрчим хүч нь зарим тохиолдолд эрсдэл хийх хүч зоригийг өгдөг ба өөрийгөө бусдад эрх чөлөөтэйгөөр илэрхийлэх, бусдын нүдэнд дулаахан, ил тод харагдахад оршдог байна.
Сарын сүүлийн 7 хоногт Нарны Шилжилт явагдаж та бүхний өдөр тутмын ажил алба, эрүүл мэнд яригдах төлөвтэй байна.
Үерхэл – Нөхөрлөл
Энэ үеэр түүхч, соёл уламжлал судлаач, гэр бүлийн гишүүдийн танилын хүрээллээр болон барилга орон сууцтай холбоотойгоор танилын хүрээ тэлэгдэх төлөвтэй ба байр орон сууцандаа шинэ эд материал авах төлөвтэй байна.
Матарын орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сарыг гэр бүлийн гишүүд болон ойр тойрны хүмүүсдээ анхаарал, халамж гаргаж хэрэв гэр бүлийн дотоод гишүүдийн дунд зөрчилдөөн байгаа бол түүнийгээ эв найрамдалтайгаар цэгцлэх хэрэгтэй болохыг зөвлөх байна. Түүнчлэн энэ үеэр түүх, соёл уламжлал сонирхон судлах, өөрийн дотоод гүн ертөнцөө чагнаж мэдрэх болон удам угсаатай холбоотой мэдээ, мэдээлэл сонсогдох төлөвтэй байна. Нүүдэл суудал, газар шороо, барилга орон сууцтай холбоотой сэдэв мөн яригдах юм.
Сарын сүүлийн 7 хоногт Нарны Шилжилт явагдаж та бүхний хайр дурлал, үр хүүхэд, зугаа цэнгэлийн талаарх амьдрал цэцэглэж эхлэх юм.
Үерхэл – Нөхөрлөл
Энэ үеэр үерхэл, нөхөрлөлийн хувьд хөршийн, ах дүүсийн хүрээллээр, сошил ертөнцөөр, танин мэдэхүйн чиглэлээр, хэвлэл мэдээллийн, харилцаа холбооны салбарын болон бичээч, зохион байгуулагч, аялал жуулчлалын зэрэг мэргэжлийн хүмүүстэй танилцаж нөхөрлөх төлөвтэй байна. Ганц бие хүмүүсийн хувьд амьдралд тань хоёр хүмүүсийн сонголт гарч ирж болзошгүй ба энэ үеэр сонирхолтой, оюунлаг нэгэн илүү татагддаг байна.
Хумхын орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сар бол танин мэдэхүйн сар юм. Оюуны чадавх идэвхжиж, сониуч хүсэл эрмэлзэлдээ хөтлөгдөж, шинэ сонин содон мэдээ, мэдээлэлтэй танилцан суралцаж, түүнийгээ дагаад шинэ санаа, оноо урган гарч ах дүүс, хамаатан садантайгаа хуваалцахыг ихэд тэмүүлэх болно. Энэ үеэр утасны дуудлага ихсэж, бичиг цаас, емайл, факс болон ойрын аялал, уулзалт хүлээн авалт зэрэг үйл ажиллагаанд цаг зав ихэд зарцуулсан сар болох шинжтэй байна.
Сарын сүүлийн 7 хоногт Нарны Шилжилт явагдаж барилга орон сууц, гэр бүлийн гишүүдтэй холбоотой сэдэв яригдах юм.
Үерхэл – Нөхөрлөл
Энэ үеэр мөнгө санхүүтэй холбоотойгоор нягтлан, нярав, банк санхүүгийн мэргэжилтэй шинэ танилуудтай болох төлөвтэй ба ганц бие хүмүүс хайр сэтгэл гэхээсээ илүүтэйгээр эдийн засгийн хувьд тогтвортой нэгэнд татагдаж, тав тухыг илүүд үзэх төлөвтэй байна.
Загасны орд:
Сарын ерөнхий төлөв байдал. 3-р сарын 21ээс 4-р сарын 21ны хооронд.
Та бүхний хувьд энэ сард мөнгө, санхүү, эдийн засгийн тогтвортой байдал, өрх гэр бүлийн ахуйн хэрэгцээ нэгдүгээрт тавигдах төлөвтэй байна. Түүнчлэн энэ үеэр та бүхний үнэ цэнэ ихэд яригдах ба хэн нэгэнд үнэ цэнийн талаарх ойлголтыг харуулах шаардлага гарч ирэх төлөвтэй байна. Энэхүү эрчим хүчийг өөрсдийн мөнгө санхүүгийн хэтийн тооцоолол хийхэд болон эдийн засгийн, орлог үүсвэрийн шинэ санаа, оноо олж илрүүлэхэд тохиромжтой байна. Мөн түүнчлэн хэрэгтэй, хэрэггүй зүйлсэд сэтгэлийн хөөрлөөр өр, зээл тавихаас эхлээд их хэмжээний мөнгөн гүйлгээ хийхийн өмнө хянууртай байхыг зөвлөх байна.
Сарын сүүлийн 7 хоногт Нарны Шилжилт явагдаж та бүхний танин мэдэхүйн хөгжил болон ах дүүсийн харилцаа холбоо яригдах төлөвтэй байна.
Үерхэл – Нөхөрлөл
Энэ үеэр та бүхэн өөрсдийн гадаад үзэмжинд болон гоо сайхандаа анхаарал хандуулж бусдын нүдэнд нөхөрсөг, цэвэр цэмцгэр, дур булаам харагдах тул хэн нэгэнтэй шинэ үерхэл, нөхөрлөлийн харилцаа холбоос үүсгэхэд тохиромжтой юм. Энэ үеэр зугаа цэнгэл, адал явдал, хайр дурлалын амьдрал ч мөн яригдах төлөвтэй байна.
