УИХ-ын 2016 оны сонгуульд Ховд аймгийн 34, 35, 36-р тойрогт Монгол Ардын намаас Б.Очбадрах, С.Бямбацогт, О.Батнасан нар нэр дэвшиж байгаа билээ. Ховд аймагт МАН-аас нэр дэвшигчдийн уулзалт амжилттай үргэлжилж байна. Нэр дэвшигчид асуудал ярихаасаа илүүтэй шийдэл гарцыг мөрийн хөтөлбөртэйгээ уялдуулан тайлбарлаж байв. Энэ удаа гурван нэр дэвшигчийн уулзалтыг багцлан хүргэж байна.
Б.Очбадрах: Мэргэжлийн Засгийн газар байгуулна
УИХ-ын сонгуулийн 34-р тойрог Ховд аймгийн Дарви, Дөргөн, Зэрэг, Цэцэг, Чандмань, Жаргалант сумын Бугат, Жаргалан, Рашаант, Хайрхан багт Монгол Ардын намаас Б.Очбадрах нэр дэвшиж байгаа билээ. Тэрбээр тойргийн иргэдтэйгээ уулзаж, МАН-ын мөрийн хөтөлбөрийг дэлгэрэнгүй танилцуулсан юм. Иргэдийн зүгээс Монгол Улсыг МАН өрөөс хэрхэн гаргах вэ гэдэг асуудлыг тавьж байлаа. Сонгогчдын хувьд банк, тэтгэврийн зээлээс илүүтэй улс орны хэмжээний өрөнд хамгийн ихээр санаа зовж буйгаа хэлэв.
МАН-ын мөрийн хөтөлбөрт мэргэжлийн Засгийн газар байгуулж, өнгөрсөн хугацаанд эрх баригчдын авч хэрэгжүүлсэн бодлогын алдааг засахаар заасан юм. Уулзалтын үеэр Ховд аймгийн Зэрэг сумын иргэн З.Хүрэлхад \”Б.Очбадрах аав, ээж , ах дүүг би сайн мэднэ. Удам сайтай, мэдлэг боловсрол өндөртэй хүн. Ийм хүн УИХ-д дэвшихгүй бол өөр хэн дэвших билээ\” хэмээсэн юм. Харин Дарви сумын иргэн Ц.Нарангэрэл түүнийг \”Төрд суух цаг нь болсон хүн\” гэж дүгнэлээ.
С.Бямбацогт: Эдийн засгийн хямралаас үйлдвэржилт гаргана
УИХ-ын сонгуулийн 35-р тойрог Ховд аймгийн Алтай, Буянт, Манхан, Мөст, Үенч, Жаргалант сумын Баатархайрхан, Бичигт, Наран, Тахилт багт Монгол Ардын намаас С.Бямбацогт нэр дэвшиж байгаа. Тэрбээр өнгөрсөн өдрүүдэд тойргийн иргэдтэйгээ уулзаж, мөрийн хөтөлбөрөө танилцуулсан байна. Малын гаралтай түүхий эдийн үнэ үнэгүйдэж байгааг Наран хайрхан, Цагаан бургас багийнхан учирлаж байв.
МАН-ын мөрийн хөтөлбөрт иргэдэд тулгараад буй энэ хүндрэлийг шийдвэрлэх 21:100 хөтөлбөрийг танилцуулсан. Малын түүхий эд, дайвар бүтээгдэхүүн боловсруулах үйлдвэр байгуулах шийдлийг ихэд талархан хүлээж авсан. Нэр дэвшигч С.Бямбацогт \”Монгол Улсын эдийн засгийн хямралаас гарах арга зам бол үйлдвэржилт юм\” хэмээсэн юм. Энэ хүрээнд 21:100 хөтөлбөр хэрэгжүүлж, Ховд аймагт түүхий эдийн нөөц сайтай үйлдвэрүүд байгуулж, 4000 ажлын байр шинээр бий болгох шийдлийг таатай хүлээн авсан юм. Ховд аймгийн төвд хийсэн уулзалтын үеэр улсын өрийн асуудал, тэтгэвэр тэтгэмж, нэмэгдэхгүй байгаа асуудлыг хөндөн ярьж байсан юм.
О.Батнасан: МАН шинэ төрлийн татвараар дарамтлахгүй
УИХ-ын сонгуулийн 36 тойрогт Ховд аймгийн Булган, Дуут, Мөнххайрхан, Мянгад, Ховд, Эрдэнэбүрэн, Жаргалантын Алагтолгой, Буянт, Магсаржав, Цамгарав багт Монгол Ардын намаас нэр дэвшигч О.Батнасан тойргийн иргэдтэйгээ уулзаж, мөрийн хөтөлбөрөө танилцууллаа. Тэрбээр аймгийн төвд худалдаа наймаа эрхлэгчидтэй уулзахад \”Эдийн засаг муудаж, худалдан авалт буурч байна. Ховдын барааны захыг битүү зах болгоно гэж иргэдээс тодорхой хэмжээний мөнгө авсан ч одоо болтол ажил хэрэг болохгүй байна\” хэмээн ярьсан юм. МАН-ын мөрийн хөтөлбөрт жижиг, дунд бизнесийг дэмжих олон заалтууд багтсан. Шинэ төрлийн татвараар баялаг бүтээгчдийг дарамтлахгүй гэдгээ мөрийн хөтөлбөрт оруулж өгсөн байгаа юм.
Эх сурвалж: МАН-ын сонгуулийн штаб
