Сэтгүүлч: Сүүлийн үед туул голын бургасыг хядаж, барилга бариад байгаа тухай мэдээлэл цацагдах боллоо. Энэ талаар та ямар байр суурьтай байна вэ.
Б.Жаргалсайхан: Хаана хэн тэгэж барилга бариад байна вэ.
Сэтгүүлч: Рефайнери бил үү, тийм компани туулын бургасыг хядаад оронд нь барилга барьсан асуудал дуулиан тарьж байна?
Б.Жаргалсайхан: Ер нь өнөөдөр Улаанбаатар хотын, Богд уул, голын наана, цаана ялгаагүй тэр чигээрээ дүүрэн бургас байсан шүү дээ. Одоо гэтэл голын наад талд битүү орон сууцны хороолол баригдчихлаа. Туул голоо дагаад. Тийм байгаа биз.
Сэтгүүлч: Тэглээ.
Б.Жаргалсайхан: Ялгаагүй тэнд дүүрэн бургас байсан. Бүгдийг нь тайрч байгаад л орон сууцны хороолол барилаа. Эсвэл бариагүй юм уу?
Сэтгүүлч: Тэд чинь тусгай хамгаалалтын бүсээс тусдаа байсан юм болов уу.
Б.Жаргалсайхан: За ямар юмны тусгай бүс байдаг юм бэ? Манайд жаахан модтой, устай, уултай газар болохоор бүгдийг нь Улаан номонд оруулж, төрийн хамгаалалтанд авна гэж солиорох юм. Тэгээд усгүй, юу ч үгүй хоосон хогон дээр ард түмэн нь амьдрах ёстой юм уу. Одоо энийгээ болих хэрэгтэй. Хамгийн үзэсгэлэнтэй, хамгийн сайхан газар нь энэ 3 сая хүн амьдардаг болох хэрэгтэй байна. Ойлгож байна уу?
Сэтгүүлч: Гэхдээ “заавал голын эрэг дагуух бургасыг таарч барилга барих хэрэг байна уу” гэдэг шүүмжлэл байна.
Б.Жаргалсайхан: Үгүй ээ. Бургасыг тайрсан бол буцаагаад тарьчихаж болдоггүй юм уу? Мод тарьж болох уу?
Сэтгүүлч: Тэр мод ургатал бас нэлээн олон жил шаардана даа.
Б.Жаргалсайхан: Үгүй ээ. Өөрөө ер нь мод тарьж болох уу?
Сэтгүүлч: Болно.
Б.Жаргалсайхан: Мэдээж болно. За тэгвэл энд өөрөө туулын хэдэн бургас тасдаад хаячихсанд санаа зовоод байгаа юм байна. Тэгвэл та нар Сэлэнгэ, Архангай, Өвөрхангай энэ хавиар чинь дүүрэн хангай байсан. Хэдэн зуун саяар нь, га-гаар нь модыг тайрч хаядаж байна. Мод шатаж байна. Үүнд яагаад санаа зовдоггүй юм бэ? Энд өнөөдөр энэ арван бургасны төлөө л аягүй их санаа зовоод байна шүү дээ.
Сэтгүүлч: Та тэгэхээр энэ туулын бургасыг хугалж, барилга барих нь зөв гэж хэлэх гээд байна уу?
Б.Жаргалсайхан: Зөв буруу даа биш. Юм хийж бүтээж байгаа хүмүүст ээлтэй ханддаг байх хэрэгтэй. Юу ч хийдэггүй хүмүүс дандаа атаархаж, бусдыг шүүмжилж, доромжилдог. Тийм ээ.
Тэр хаана тийм барилга барьчихсан гээд байгаа юм. Ривер гарден уу, тэрний хажууд уу?
Сэтгүүлч: Тийм. Хотын даргын эрх мэдлээ ашиглаад л ах дүү нартаа давуу тал олгочихов уу л гэж би хардаад байгаа юм л даа.
Б.Жаргалсайхан: Тэр чинь ямар хаашаа юм бэ. С.Амарсайхан зөвшөөрөл гарчихсан юм уу?
Сэтгүүлч: Үгүй л байх л даа.
Б.Жаргалсайхан: Тусгай хамгаалалтын газар чинь хотын харъяанд байдаггүй юм аа. Богд уул чинь Байгаль орчны яам, Богд уулын засаг захиргаа гэдэг газар харъяалагддаг юм. Тэндээс зөвшөөрөл өгдөг байхгүй юу. Хот үүнд ямар ч оролцоо байхгүй.
Тэгвэл анхнаасаа ер нь яах гэж зөвшөөрөл өгсөн юм. Энэ Богд уул чинь дархан цаазтай уул. Одоо өчнөөн орон сууц барьчихсан байгаа биз дээ. Одоо тэгвэл бүгдийг нь цуцлах ёстой болж таарч байна. Байгаль орчны яам бүгдийг нь тэндээс хөөгөөд явуул. Яагаад болохгүй гэж. Гэхдээ чадахгүй л дээ.
Сэтгүүлч: Та бизнес эрхэлдэг хүн учраас өмгөөлөл хийгээд байгаа юм биш үү?
Б.Жаргалсайхан: Биш ээ биш. Би ингэж бодож байна. С.Амарсайхан саяхан дарга болоо биз дээ.
Сэтгүүлч: Тийм.
Б.Жаргалсайхан: Өнөөдөр тэр хүн ажлаа авангуут маргааш тэр хүнийг муу хэлэх юм уу, огцруулах асуудал байж болохгүй шүү дээ. Энэнд чинь цаг хугацаа байх хэрэгтэй. Тэр хүн хэн бэ, юу хийж чадав аа гээд ажлынхаа тайланг тавинаа даа. Ажлыг нь хийлгэх хэрэгтэй. Эсвэл ажил хийлгэхгүй гээд байгаа юм уу …
