Хан-Уул дүүргийн 15 дугаар сургуулийн 529 хүүхдээс сүрьеэ өвчний нян илэрсэн талаар мэдээлэл гарсан билээ. Үүнтэй холбогдуулан БСШУС-ын сайд Ё.Баатарбилэг болон Эрүүл мэндийн сайд Д.Сарангэрэл нараас тодруулсан юм.
Эрүүл мэндийн сайд Д.Сарангэрэл “Сүрьеэгээр өвчилсөн хүүхдүүдэд одоо эмчилгээ хийж байна Эмчилгээ нь нэлээн хүнд явцтай. Ялангуяа эм нь хүүхдийн элгийг гэмтээдэг гэсэн мэдээлэл бий. Зайлшгүй эмчлэх шаардлагатай юу гэдэг асуултыг ХӨСҮТ-д тавиад байгаа юм байна лээ. Урьдчилсан байдлаар 38 хүүхэд, нэг багшид сүрьеэгийн халдвар байна гэдэг оношийг ХӨСҮТ-ийнхэн тавьсан.
Хүүхдүүдийн эмчилгээний талаар эцэг, эхчүүдтэй нь уулзаж, мэдээлэл өгч, ойлголцох зорилгоор 15 дугаар сургууль дээр ХӨСҮТ-ийн баг ЭМЯ-ны Нийгмийн эрүүл мэндийн газрын ажилтнуудтай хамт ажиллаж байна. 15-р сургуульд өвчтэй багш ажилласан асуудлыг ЭМЯ хариуцахгүй. Сүрьеэгийн халдварыг нуусан гэх мэдээлэл надад байхгүй. Бид энэ талаар тодруулах болно” гэж мэдэгдсэн юм.
БСШУС-ын сайд Ё.Баатарбилэг “Мэргэжлийн байгууллага сургууль дээр ажиллаж байна. Ямар арга хэмжээ авч хэрэгжүүлэх гэж байгаа талаар эрүүл мэндийн байгууллага нарийвчлан үзэж эцсийн дүгнэлтийг гаргана.
Сургуульд хөл хорио тогтоох эсэх асуудлыг мэргэжлийн байгууллагын дүгнэлтэд үндэслэн гаргана.
ХӨСҮТ-ийн даргатай ярьж мэдээлэл авахад бүх хүүхдүүдэд шинжилгээ хийгээд, урьдчилан сэргийлэх үзлэгт хамруулж байгаа гэж ойлгосон.
Нарийн мэргэжлийн эмч нарын эцсийн дүгнэлт хараахан гараагүй байна. Асуудлууд тодорхой болж цаашид юу хийх шаардлагатай талаарх асуудлууд танилцуулагдаж бэлэн болоогүй байна. Тус сургуульд 500 гаруй хүүхэд сурдаг. Тэдгээрээс хэдэн хүүхэд сүрьеэгээр өвчилсөн талаар арай өөр тоо яригдаж байна. Шинжилгээний эцсийн дүн гараагүй болохоор нарийн тоо хэлэх боломжгүй” хэмээн мэдэгдлээ.
ЭМ-ийн сайд Д.Сарангэрэл “ХӨСҮТ-өөс 38 хүүхэд, нэг багш сүрьеэгийн халдвар авсан гэх онош тавьсан
}
Шинэ мэдээ
