XXI зуунд өгсөн миний анхны сонгууль

 

 

Би
олон жилийн дараа 2016 оны УИХ, аймаг, хотын сонгуулийг өглөө. Би 2000 оны
сонгуулиас хойш саналаа өгөлгүй уджээ. 2013 оны Ерөнхийлөгчийг сонгох
сонгуулийг Солонгос улсад суух Элчин сайдын байранд очиж өгсөн.

Энэ жилийн сонгуулийн сурталчилгаа, өмнөх жилүүдийнхээсээ өвөрмөц болж
өнгөрлөө… Сонгуулийн сурталчилгаа хийх хугацаа богино, \”Дугуй”-тай,
\”Морь”-той, \”Үхэр тэрэг”-тэй, миний маркийг нь мэдэхгүй үнэтэй том том
\”JEEP”-тэй гээд л…!

Солонгос улсад ажиллаж, амьдарч байхдаа тэндэхийн олон сонгуулийг
телевизээр үзэж байлаа. Тэдний Нэр дэвшигчдийн хөрөнгө бага зарцуулсан
сонгуулийн сурталчилгааг өөрийн орныхоо сонгуулийн сурталчилгаанд хэрэглэх
юмсан гэж бодож байсан юм. Харин энэ жилийн УИХ-ын болон аймаг, хотын
сонгуулийн сурталчилгаа өмнөх жилүүдийнхээсээ соёлтой болж өнгөрлөө.

Сонгуулийн сурталчилгаа албан ёсоор нээснээс хэд хоногийн дараа
интернетээр УИХ-ын гишүүн, УИХ дахь \”Эмэгтэйчүүд”-ийн бүлгийн ахлагч Л.
Эрдэнэчимэгийн Төрийн ордонд өрөөндөө архидан согтуурч, хүний амьдралд заавал
байх \”Гурван” зүйлийн тухай ярьсан бичлэг тавигдсан, түүнийг тойрсон асуудал,
мөн нэг тойрогт нэр дэвшсэн \”Tанил”-даа 50 сая төгрөг шилжүүлж өгсөн нь энэ
сонгуулийн \”Шуугиан” тарьсан гол асуудал боллоо.

Энэ бүхнийг телевиз, интернетээр үзэж суухдаа, Монголын улс төр үнэхээр
ийм муухай болсон юм уу?, Архи-согтууруулах ундааны тухай хуулийг санаачилсан
улс төрч эмэгтэй маань хуулиа \”Гууль” болгон Төрийнхөө ордонд архидан согтуурч,
элдэв юм ярин, юу ч болоогүй юм шиг \”Бичлэг” хийлгэн суугааг хараад, ийм улс төрийн
ёс зүй, \”Соёл”-гүй болсон юм уу? гэдгийг ойлгосонгүй!

Энэхүү \”Бичлэг” өөрийг нь болон АН-ын нэр хүндэд их нөлөөлсөн нь
дамжиггүй. Тиймээс ч ард түмэн энэ удаагийн УИХ-ын болон аймаг, хотын
сонгуулийн урьдчилсан дүнг харахад, АН-д \”МУУ” дүн тавьж, МАН ард түмний
итгэлийг авч, 2000 оны УИХ-ын сонгууль шиг үнэмлэхүй ялалт байгуулж \”ОЛОНХИ”
боллоо.

Манайд улс төрийн \”Соёл” үнэхээр дутаад байна. Миний бодлоор УИХ-ын
гишүүн Л. Эрдэнэчимэг тэр \”Бичлэг\”-ийг тармагц л нэрээ татчих байсан
юм. Гэтэл эсрэгээр би хуулийн дагуу 50.000 төгрөгийн торгуулиа төлсөн гээд Ард
түмнээсээ уучилалт гуйсан боловч үр дүн нь энэ…

Намайг Солонгос улсад ажиллаж, амьдарч байхад,манай улс сонгуулиа
Санал хураах машинаар авах болоод, тэр машинаа гадаадаас өндөр үнээр оруулж
ирсэн. Тэгээд их хөрөнгө зарцуулж авсан тэр машинаа сонгууль болохоор ашиглана,
ашиглахгүй гээд бөөн юм болдог.

Би тэр хэл амтай машинаар нь өчигдөр \”Анх\” удаа саналаа өглөө.
Харин ч орчин үеийн шаардлага хангасан боломжийн л юм байна. Санал авах хугацаа
дуусангуут л шууд хэн гэдэгнэр дэвшигч хэдэн хүний санал авсан нь гарч
байна. Ийм орчин үеийн техникийг яагаад ашиглахгүй гээд байсныг бүү мэд!
Манайхаас бусад оронд болоод л байна. Урьд нь яадаг билээ. Гараар тооллох гэж
хугацаа, бөөн будилан гардаг байлаа…

Мөн гадаадад ажиллаж, амьдарч байгаа 150.000 хүн сонгууль өгөлгүй үлдлээ
гэсэн мэдээг уншлаа. 2013 оны Ерөнхийлөгчийн сонгуулийн үед, гадаадад ажиллаж,
амьдарч байгаа Монголчуудаас санал авах болсон. Гадаадад ажиллаж, амьдарч
байгаа Монголчуудаас хамгийн их буюу 15.000-20.000 хүн нь Солонгос улсад
ажиллаж, амьдардаг гэсэн судалгаа байдаг юм билээ. Гэхдээ яг хэдэн хүн байгааг
хэлж чадах албан байгууллагууд байдаггүй гэсэн!

Солонгос улсад суугаа Монголын Элчин сайдын яамнаас 2013 оны Ерөнхийлөгчийн
сонгуульд санал өгөх хүмүүсийн саналыг интернетээр авсан юм. Тэгэхэд 2000-3000
хүн саналаа өгөхөөр илэрхийлсэн боловч Саналаа өгөхөөр бүртгүүлсэнхүмүүс
маань бүрэн өгөөгүй гэсэн дүн гарсан байсан. Миний бодлоор Солонгос улсын өнцөг
булангаас Сөүлд ирээд саналаа өгөхөд, бусад орнуудаас бодвол замын зардал бага
зарцуулдаг юм…

 

Эх сурвалж: Mglradio.com