![\"\"](http://undesten.mn/uploads/posts/2016-07/1467425907_zurhai.png "\\"\\"")
Өнөөдөр аргын тооллын 2016 оны долоодугаар сарын 02. Бямба гараг. Билгийн тооллын XVII жарны \”Муу нүүрт\” хэмээгч Гал бич жилийн Зуны дунд хөх морь сарын 28. Санчир гараг. Чөлөөт эх одтой, дөрвөн ногоон мэнгэтэй, хөхөгчин тахиа өдөр.
Өдрийн наран 5 цаг 00 минутад мандан, 20 цаг 49 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лусыг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, сэтгэлд сэвтэй газар очиход муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
![\"\"](http://undesten.mn/uploads/posts/2016-07/1467425855_logo.jpg "\\"\\""){kind=logo}
