МАН-ын УЗ-өөс Ж.Эрдэнэбатыг Ерөнхий сайдад нэр дэвшүүллээ

 

Дөнгөж сая МАН-ын Удирдах Зөвлөл хуралдаж Ерөнхий сайдад нэр дэвшигчийг тодруулжээ. Удирдах Зөвлөлөөр хэд хэдэн хүний нэр Ерөнхий сайдад яригдаж байсан бөгөөд эцсийн мөчид УИХ-ын гишүүн Ж.Эрдэнэбатыг Ерөнхий сайдад нэр дэвшүүлэхээр болжээ. Мөн УЗ-ийн хурлын үеэр УИХ-ын гишүүн С.Бямбацогт нэрээ татсан аж.

Ж.Эрдэнэбат гишүүн нь эдийн засгийн хүнд нөхцөлд байдалд хамгийн сайн ажиллаж чадах Ерөнхий сайд байж магадгүй хэмээн улс төрийн хүрээнийхэн ярилцаж байна. Тэрбээр өнгөрсөн парламентын үед Сангийн сайдаар найман сар ажиллахдаа эдийн засгийн асуудалд нэлээд нухацтай хандаж, хэд хэдэн зоригтой шинэчлүүдийг хийсэн гэдэг юм.

МАН-ын Бага хурал 14.00 цагаас хуралдаж Ерөнхий сайдад нэр дэвшигчээ эцсийн байдлаар тодруулна.

Ерөнхий сайдад нэр дэвшигч Ж.Эрдэнэбатын товч намтар

Ж.Эрдэнэбатын намтар:

• 1981-1991 онд Сэлэнгэ аймгийн Мандал сумын 10 жилийн дунд сургууль, 
• 1992-1995 онд Худалдаа, үйлдвэрлэлийн дээд сургууль,  
• 1997-1998 онд Монголын мэргэшсэн нягтлан бодогчдын институт, 
• 2002-2004 онд Удирдлагын академи, 
• 2003-2005 онд Хөдөө аж ахуйн их сургууль тус тус төгссөн. Эдийн засагч мэргэжилтэй. Эдийн засгийн ухааны магистр.

Тэрбээр:

• 1996-1997 онд Сэлэнгэ аймгийн Мандал сумын \”Сүүтэй” ХХКомпанид нягтлан бодогч, 
• 1997-2000 онд Сэлэнгэ аймгийн Хянан шалгах хороонд байцаагч,
• 2000-2004 онд Сэлэнгэ аймгийн Засаг даргын Тамгын газрын Санхүү, эдийн засгийн бодлого зохицуулалтын хэлтсийн дарга, 
• 2004-2005 онд Сэлэнгэ аймгийн Засаг даргын орлогч, 
• 2005-2008 онд Сэлэнгэ аймгийн Засаг даргын Тамгын газрын Санхүү, төрийн сангийн хэлтсийн даргаар ажиллаж байгаад 2008-2012 онд Сэлэнгэ аймгийн Засаг даргаар томилогдон ажилласан.
• Ж.Эрдэнбат 2012 оны Улсын Их Хурлын  зургаа дахь удаагийн сонгуулиар Монгол Улсын Их Хурлын гишүүнээр сонгогдон ажиллаж байна. Улмаар 2014 оны 12 дугаар сарын 9-ний өдрөөс Засгийн газрын гишүүн, Сангийн сайдаар томилоглдон ажиллаж байсан. 

2005 онд Санхүү, банкны тэргүүний ажилтан, 2005 онд Биеийн тамир, спортын тэргүүний ажилтан, 2006 онд Их Монгол Улс байгуулагдсаны 800 жилийн ойн хүндэт медаль, 2008 онд Хөдөлмөрийн хүндэт медаль, 2010 онд Алтангадас одонгоор шагнагдсан. Англи хэлтэй.

эх сурвалж: zaluu.com