Нидерланд улсын нийслэл Амстердамм хотноо 3х3 сагсан бөмбөгийн насанд хүрэгчдийн Дэлхийн аварга шалгаруулах тэмцээн өнөөдөр хөшгөө нээлээ. Дэлхийн сагсанбөмбөгийн эрэгтэй, эмэгтэйчүүдийн хамгийн шилдэг багууд оролцож буй энэхүү тэмцээнд Монгол улсын баг эрэгтэй, эмэгтэй багууд оролцож байгаа юм.
Манай хоёр баг хэсгийн эхний хоёр тоглолтоо өнөөдөр хийж байгаа юм. Одоогийн байдлаар манай хоёр баг хэсгийн эхний тоглолтуудаа хийгээд байна.
Эрэгтэйчүүдийн хувьд хэсгийн эхний тоглолтоо ОХУ-ын багтай хийж, 14:12-ын харьцаатайгаар хожиж хэсгийн эхний хожлоо авлаа. Тэдний хувьд дараагийн тоглолтоо 20:50 цагаас Эстони улсыг шигшээ багтай тоглох юм.
Харин эмэгтэйчүүдийн хувьд Ираны багтай тоглож, 18:19-ийн харьцаатайгаар хожигдол хүлээлээ. Тэдний хувьд тоглолтын төгсгөлд хоёр холын шидэлт амжилттай гүйцэтгэсэн хэдий ч цаг дуусах мөчтэй зэрэгцэн шидсэн бөмбөг цагираг угаан гарснаар хожигдол хүлээсэн юм. Хэсгийн хоёр дахь тоглолтоо 18:55 цагт Румын улсын шигшээ багтай тоглох хуваарьтай байна.
