Монгол Улсын Ерөнхий сайд У.Хүрэлсүх УОК-ын өргөтгөсөн хуралдаанд оролцож, чиглэл өглөө. Ингээд Ерөнхий сайдын чиглэлийг тоймлон хүргэе.
-Коронавирусээс үүдэлтэй нийгэм, эдийн засагт гарч байгаа хүндрэлийн эсрэг Засгийн газраас авч хэрэгжүүлж байгаа арга хэмжээ, хууль тогтоомжийг иргэн, ААН-д ойлгуулах, тайлбарлах, сурталчлах
-Коронавирусийн халдварыг илрүүлэх, тусгаарлах эмчлэх чиглэлээр авч байгаа арга хэмжээг улам сайжруулж, бэлтгэлийг сайтар хангах хэрэгтэй. Бэлтгэлтэй байх тусам аюулыг хохирол багатай давна гэдгийг хүн бүрт ойлгуулж, хариуцлагатай байх.
-Эрсдэлтэй нөхцөлд ажиллаж байгаа эмч, мэргэжилтнүүдийнхээ аюулгүй байдлыг хангах нь чухал. Энэ хүмүүсээ сайтар анхаарч, тэдний ар гэрт мөнгөн урамшуулал олгох асуудлыг судалж УОК-д танилцуулахыг үүрэг болгож байна.
-Нөхцөл байдал муудахад эмч, эмнэлгийн байгууллагыг ажилчдыг дайчлах бэлтгэлийг хангаж, бүх шатанд бэлэн байдалд байлгах.
-Эмч сувилагч нарыг онлайнаар сургалтад хамруулж мэргэшүүлэх.
-Аймаг сумдын Засаг дарга нар болон Онцгой комиссын дарга нар хүн ардынхаа эрүүл мэндийг хамгаалах эрүүл мэндийн байгууллагын бэлэн байдлыг бүрэн хангаж, эрсдэлийн үнэлгээ хийж бэлтгэлтэй ажиллахыг үүрэг болгож байна.
-Халдварын болзошгүй эрсдэл үүссэн нөхцөлд бүх төвшинд дайчилгаа зохион байгуулах бэлтгэлийг хангах
-УИХ-ын 2020 оны ээлжит сонгуулийн үеэр сонгогчдын эрүүл мэндийг хамгаалах, халдвар хамгаалалтыг дэглэмийг мөрдүүлэх чиглэлд СЕХ Улсын онцгой комисстой сайтар хамтран ажиллах хэрэгтэй. Сонгуулийн сурталчилгаа эхлэхэд халдвар хамгаалалтын дэглэмийг сайтар хангаж, иргэдийн эрүүл мэндийг аюулд оруулж болохгүй гэдгийг анхааруулж байна. СЕХ маш сайтар хяналттай, халдвар хамгаалалтыг хангахад анхаарах.
-Коронавирусийн халдвараас сэргийлэхийн тулд маскаа тогтмол зүүх зайлшгүй шаардлагатайг ард иргэддээ ухамсруулан ойлгох, назгайрч, тайвширч болохгүй.
-Гамшгийн бэлэн байдлын үед иргэд, олон нийтийн сэтгэл зүй эмзэг байдаг учраас хэвлэл мэдээллийн байгууллагууд хариуцлагатай байж, баталгаатай эх сурвалжийг мэдээллийг хүсч байна.
-Гэр бүлийн хүчирхийлэл нэмэгдэж байгаа түршүүртэй мэдээлэл гарах боллоо. Иргэд ажилгүй болж, гэртээ байснаар архидалт нэмэгдэх хандлагатай байна.. Тиймээс гэр бүл, хүүхдүүдэд зориулсан гэгээлэг нэвтрүүлгийг хүргэх шаардлага байна.
-Өндөр эрсдэл бүхий нөхцөлд ажиллаж байгаа нийт төрийн албан хаагчид болон тэдний гэр бүлийнхэнд дэмжлэг үзүүлж ажиллах. Үүнд иргэн бүрийн үүрэг хариуцлага чухал нөлөөтэй гэдгийг хэлэхийг хүсч байна.
-Гадаад байгаа иргэдээ татан авчрах ажлаа Засгийн газар үргэлжлүүлнэ. Дэлхийн халдвар тархсаны дараа 72 мянган монгол иргэн эх орондоо их хүсэлт гаргаснаас Монгол Улсын Засгийн газар 62 мянган иргэнээ эх оронд нь авчраад байна. Бид иргэдээ хүсэлтийнх нь дагуу үе шаттай татан авах ажлыг үргэлжлүүлнэ.
Иргэд маань бодит байдлыг сайтар ойлгох хэрэгтэй. Бид дотоодод бэлэн байдлаа бүрэн хангасны дараа иргэдээ татна. Арван мянган иргэнээ нэг дор татаж авч чадахгүй гэдгийг би хэлсэн. Нэг дор олон хүнийг татан авчирвал Монголын дотоод байдал өөрөө том аюул, эрсдэлд орно. Бид боломждоо таруулан иргэдээ татан авч байгааг гадаад байгаа иргэдээ хэлмээр байна.
-Монгол Улс хилээ нээх цаг болоогүй. Хэзээ нээхээ ч би хэлж мэдэхгүй байна. Байдал тайван болох цагт л хилээ нээнэ. Вакцин эм тариа гарсан тохиолдолд өндөржүүлсэн бэлэн байдалд шилжсэн хугацааг цуцална.
-Бид эх орондоо коронавирусийг дэлгэрүүлээгүй цөөхөн улсын нэг. Тиймээс энэ амжилтаа цаашаас нь үргэлжүүлэхэд ард түмэн, төрийн албан хаагчид та бидний хамтын ажиллагаанаас ихээхэн хамаарна. Тиймээс бүд хариуцлагатай байх хэрэгтэй.
-Бид коронавирусийн талаар үнэн бодит мэдээллийг мэдээлнэ. Бидэнд нуух эрх байхгүй. Харин төрийн засгийн хэрэгжүүлж байгаа арга хэмжээг гуйвуулах, зориудаар худал мэдээлэл тарааж, улс төр хийж байгаа хүмүүст хууль хяналтын байгууллага арга хэмжээгээ ав. Хуулиа хэрэгжүүл. УОК, Засгийн газрын гаргасан шийдвэр бүх хүнд таалагдах албагүй. Харин гаргасан шийдвэрийг ягштал биелүүлэх ёстой.
-Эцэст нь төрийн албан хаагчдадаа шат шатандаа засагла гэдэг үүргийг өгч байна.
