Иргэн Б.Сүндэръяаг балетын сургалтын төвд нь дарамталж, биед нь халдаж буй бичлэг олон нийтийн сүлжээнд тараад буй. Энэ дагуу цагдаагийн байгууллагаас иргэн Б.Сүндэръяагийн биед халдсан “З” гэгчийг саатуулан, мөрдөн шалгах ажиллагаа явагдаж байгааг мэдээллээ. Б.Сүндэръяагийн 11 цагийн өмнө өөрийн фэйсбүүк хуудастаа оруулсан бичлэг.
Тэрээр өөрийн цахим хуудаснаа “2020.09.22 өдөр өнөөдөр. Нэг л өдөр би бусдын гарт амь насаа алдах нь тодорхой юм байна. Ажлынхаа байран дээр аймшигтайгаар зодууллаа. Ухаан ороод хартал өмнө нь манай ажил дээр #хутгатай ирсэн залуу мөн байлаа. Намайг дарамтлаад байна сүрдүүлээд байна гэж өчнөөн удаа өргөдөл гомдол өгсөн.
#Прокурорын байгууллагаас дандаа хаана! Шүүхийн шатруугаа хэзээ ч явдаггүй. Өчнөөн удаа дахин дахин гомдол өгч хавтаст хэргээ дахиад нээнэ. Дахиад прокурор нь хаана. Үхчээд ир эсвэл алуулчаад ир гэж байгаа бололтой. Удаа дараа ийм зүйл давтагдлаа! хэнч хариуцлагагүй хүлээхгүй.
Хоолойг чинь хэрчиж ална, дүүжлэнэ заавал алж байж сална гэдгээ нэг л өдөр биелүүлэх юм байна. Нэр бүхий улс төрчдийн нэрийг хэлнэ. Тэд нь хуулийн байгууллагт очиж байцаалт мэдүүлэг өгөхгүй. Яагаад намайг ийм тууштай яах гэж ямар шалтгаанаар дарамтлаад миний амь нас сэтгэл зүй, биед хүртэл ингэж аймшигтай халдаж байгаа шалтгааныг олоод өгөөчээ гэж ганцаараа өчнөөн шарлалаа. Иргэн хүний хуулиараа хамгаалагдсан амьд явах эрх минь үнэндээ аймшигтай зөрчигдөж байна. Сүнээ өөрөө чимээгүй байж болдоггүй юмуу гэнэ.
Тиймээ би чимээгүй амар тайван амьдармаар байна. Даанч миний амь нас эрүүл мэнд, сэтгэл санаа, бие махбодын хувьд энэ хүчирхийлэл дуусахгүй байна. Намайг тайван орхихгүй байна. Өргөдөл өгсөн нэг ч асуудал минь хуулиараа шийдэгдсэнгүй. Харин энэ их дарамт сүрдүүлгээс болж өгсөн өргөдөл гомдлоо өөрөө буцааж татсан. Улаан бал нэвтрүүлэгт орохдоо би хэлсэн. Цагдаа бишээ өөр газар шалгаад гаргаад ирсэн гэж. Тэр нь Тагнуулын ерөнхий газар байсан юм.
Бүх зүйл тодорхойч хэн ч хариуцлага хүлээхгүй. Бүгд бүгд бүгд бүгд чимээгүй бай, хэнийч нэрийг хэлж болохгүй, чи хүчгүй байна сул дорой байна цаг хугацаанд найд… залхаж байна. Хичнээн тэвчээд ч миний болон гэр бүлийн минь амь нас эрүүл мэнд маш эрсдэлтэй нөхцөлд байна. Хохирогч өөрөө буруутан болдог аймшигтай нийгэм тогтолцоо.
Улс төрөөс хараат байгууллагууд… Намайг ядаж хамгаалалтанд аваачдээ гэж хүртэл гуйж хүсэлт гаргаж үзсэн. Ганцаараа явахаас айж байна, хэн хаанаас гарч ирээд яачих бол гэж чичирсээр оройч унтаж чадахгүй юм. Аймшигтай хуульгүй нийгэм” гэж бичин, нотлох баримт бүхий дүрс бичлэгийг оруулжээ.
\
