Төрийн үйлчилгээг ялгавартайгаар авдаг нийслэлийн иргэд

Нийслэлийн иргэд дүүргийн үйл ажиллагаатай
холбоотойгоор төрийн үйлчилгээг янз бүрээр авч байгаа тохиолдол олон. Иргэд аж ахуй нэгжүүд
төрийн чиг чигийн үйлчилгээг авах эрхтэй. Үндсэн хуулиар болон бусад хуулиараа
бид улсдаа нэг нэгж нь. Гэтэл хотын захын дүүргүүдийн гэр хорооллын иргэд
ялангуяа задгай хаягтай иргэдэд төрийн үйлчилгээ хүрч чадаж байна уу. Энэ
талаар иргэд ихээхэн гомдолтой байдаг.

Бид шат шатны сонгуулиар сонгосон төлөөлөгчдөөрөө
дамжуулан амьдрал ахуйдаа хэрэгтэй халамжийн болон төрийн бүх төрлийн
үйлчилгээг авах ёстой ч дүүргийн удирдлагууд, намын нөлөөлөөс болон зарим иргэд
хохирч байна. Нэг үгээр Баянгол дүүргийн хөгжил нөхцөл байдал харицангуй
үйлчилгээ авахдаа сайн, үйлчилгээ хүртээмжтэй байхад Баянзүрх, Сонгино-Хайрхан,
Налайх гэх мэт хүн ам ихтэй ядуурал өндөртэй, шилжилт хөдөлгөөнтэй дүүргийн
үйлчилгээний хүртээмж муу байгаа нь харамсалтай. Нэг үгээр адилхан нийслэлийн
иргэд байж төрийн үйлчилгээг жигд хүртээмжтэй авч чадахгүй байна гэсэн үг. Зарим
иргэд хороо хорины үйлчилгээг авах гэж 7-10 буудал явж очин даргын завтай
чөлөөтэй цагаар гарын үсэг \”горилон” хүлээн сууж байхад зарим иргэд харицангуй
ойроос үйлчилгээгээ авчихаж байх жишээтэй.

Удирдлагын муу, сайн ажлын хүртээмж шийдвэрээс
болон иргэдэд ялгавартай хандаж байгаад хороодыг нэмэх, захын хорооллын
иргэдийг анхааралдаа авах шаардлагатай байгааг харуулж байна. Өвлийн хүйтэнд
ганц тодорхойлолт авах гэж бээрч очих иргэдэд үйлчилгээгээ ойртуулмаар байна.

Гадаад пасспорт, жолооны үнэмлэх, иргэний бүртгэл
хөдөлгөөн, эмнэлгийн үйлчилгээ зэргийг нэг дор төвлөрсөн байдлаар аль болох
иргэдэд ойр байхаар зохион байгуулж болох юм. Хороо шинээр байгуулах боломжгүй
бол захын хороодуудад иргэнд ойртсон нэг цэгийн үйлчилгээг олноор нь байгуулах
хэрэгтэй байх. Учир нь зарим иргэн төрийн үйлчилгээг авах гэж замын зардлаас
эхлэлтэй чирэгдэл их байна. Тэдэнд үйлчилгээг ойртуулах анхан шатны нэгж
хэрэгтэй. Засаг солигдоход үй олноороо ажлаасаа халагдаж байгаа төрийн албан
хаагчдаа захын хорооллын нэг цонхны үйлчилгээний ажилтнаар \”газар дээр” нь
ажиллуулахаар илгээвэл яасын. Ажилтайгаа үлдэхийн тулд ажиллах хүсэлтийг л өгөх
байх.

Мөн хороон засаг даргаа танидаг бол хүнсний талонд
орох боломжтой болж байх жишээтэй. Аль нам засаг барина тэр намын ухуулагч, дэмжигч
бол тухайн дөрвөн жилд халамжийн үйлчилгээнд хамрагдаж чаддаг байх нь энүүхэнд.
Дараагийн дөрвөн жил нөгөө намын танидагууд тухайн үйлчилгээнд \”ээлжлэн” орох
бол байдаг л жишээ болж. Нэгэнт өнчин ядуу, халамж үйлчилгээ авах ёстой иргэд
нхэг сонгуульд ажилласан байдлаас нь болон хасагдах, нэмэгдэх байдлыг үзүүлж
болохгүй.

Ажил хөдөлмөр хийх боломжгүй хөгжлийн бэрхшээлтэй
иргэдийг ч засаг барьсан нам ялгаварлан гаруурхаж байгаа мянга мянган тохиолдол
байгаа. Тиймээс засаг барьж байгаа намын нөлөөлөөс хөгжлийн бэрхшээлгүй болохгүй
учир энэ үйлчилгээг тэдэнд \”хүндэтгэлтэйгээр” олгох нь зүйтэй. Нэг үгээр ямар ч
нам засаг барьсан намчирхах үзлээр гадуурхахгүй байх шаардлагатай.

Энэ мэт хамгийн бага нэгж болох өрхүүдэд ч намын
нөлөөлөөс үүдэлтэй төрийн үйлчилгээ хүрч чадахгүй байна. Энэ бол нэг л жишээ.
Мөн хүнсний талон, асаргааны мөнгө, эмийн мөнгө гээд төрөл бүрийн үйлчилгээг авахын
тулд үй олон бичиг баримт бүрдүүлэн 4-5 жил хөөцөлдөөд ч зарим иргэний \”очих
ёстой газарт нь” мөнгө нь олгогдохгүй байхад зарим хүн танил тал \”арын хаалгаар”
урдуур нь орж байгаа нь харамсалтай. Нэг үгээр ямар ч нам засаг барьсан захын
хорооллын иргэддээ ойртон үйлчилж, төр тэднийг ялгаварлахгүй баймаар байна.

Үндэстэн агентлаг