Дэлхийн хамгийн томоохон тээврийн онгоцонд тооцогддог Ан-225 “Мрия” онгоцыг Киевээс холгүйхэн байх Гостомелийн нисэх буудал дээр байхад нь Оросын талаас цохилт өгч, устгажээ.
“Украины нисэх хүчний, домогт Ан-225 “Мрия”-г устгалаа. Энэ үйл явдал онгоц байрлаж байсан Киевийн ойролцоох Гостомель дэх Антоновын нисэх буудал дээр болсон юм” хэмээн концерн мэдэгджээ.
Онгоцны нислэгийн чиглэлүүдийг харуулдаг Flight Radar сайтын мэдээллээр, Ан-225 “Мрия” онгоц хоёрдугаар сарын тавны өдөр Данийн Биллунд нисэх буудлаас “Антонов” нисэх буудал дээр ирснээсээ хойш энэ буудлыг орхин нисээгүй байна.
Ан-225 “Мрия” нь ЗХУ-д бүтээгдсэн, дэлхийн хамгийн том тээврийн онгоц юм. ЗХУ задрасны дараа Украины мэдэлд очсон байна. Ийм хоёр төрлийн онгоц байснаас гагцхүү нэг нь л Украины компанид нислэг үйлддэг байсан аж.
