Шинэ сайд нарын БОЛОВСРОЛ, НАМТАР

Шинэ сайд нарын намтар, боловсрол, ажилласан байдлын танилцуулгыг хүргэж байна.

ЗГХЭГ-ЫН ДАРГААР Д.АМАРБАЯСГАЛАН АЖИЛЛАНА

ЗГХЭГ-ын дарга бөгөөд Монгол Улсын сайдаар Д.Амарбаясгаланг томиллоо. Дашзэгвийн Амарбаясгалан нь 1981 онд төрсөн бөгөөд Монгол Ардын Намын Ерөнхий нарийн бичгийн даргын албан тушаалд дөрөв улиран сонгогдсон анхны улс төрч бөгөөд нийслэлийн Иргэдийн Төлөөлөгчдийн Хуралд 2008 онд сонгогдсон хамгийн залуу (26 настай) төлөөлөгч, Монгол Ардын Намын Хэрэг эрхлэх газарт ажилласан хамгийн залуу (27 настай) хэлтсийн дарга байв.

БОЛОВСРОЛ:

1998 онд Говь-Алтай аймгийн 1-р дунд сургууль
2002 онд Шинжлэх Ухаан, Технологийн Их сургуулийг Цахилгаан холбооны инженер – Мэдээлэл хэмжлийн электроник – цахилгааны холбооны инженер
2012 онд Монгол Улсын Их Сургуулийг Улс төр судлаач

АЖИЛЛАСАН БАЙДАЛ:

2000-2009 онд “Монгол Шуудан ХК-д Маркетинг төлөвлөлтийн газрын дарга,
2009-2012 онд Монгол Ардын Намын Хэвлэл мэдээлэл, Олон нийттэй харилцах хэлтсийн дарга,
2009-2018 онд Монгол Ардын Намын Бага хурлын гишүүн,
2010-2015 онд Нийгмийн Ардчилал Монголын Залуучуудын Холбооны Дэд ерөнхийлөгч,
2013-2016 онд Нийслэлийн Зураг төслийн хүрээлэнд Төлөөлөн Удирдах Зөвлөлийн гишүүн,
2013-2018 онд Говь-Алтай аймгийн нутгийн зөвлөлийн гишүүн,
2015-2016 онд “Азийн Хүлэг Улс” бодлогын судалгааны хүрээлэнгийн Дэд тэргүүн,
2008-2018 онд Монголын Зүүний Хүчний Холбооны Удирдах Зөвлөлийн гишүүн,
2008-2019 онд Нийслэлийн Иргэдийн Төлөөлөгчдийн Хурлын төлөөлөгч, НИТХ дахь Монгол Ардын Намын Бүлгийн дарга,
2016 оноос Монгол Ардын Намын Ерөнхий нарийн бичгийн даргаар ажиллаж байна.

“ОРГИЛ”-ООС ГИШҮҮН, ГИШҮҮНЭЭС САЙД

“Налайхын Ганбаа”, “Оргилын Ганбаатар” гэх үгс түүний нэрийг дагалддаг. “Бизнесмэн”-ээс улстөрч болсон түүнийг Уул уурхай, Хүнд үйлдвэрийн сайдаар томилжээ. Хуульч, эдийн засагч мэргэжилтэй тэрбээр 49 настай.

БОЛОВСРОЛ:

1991 онд Налайх хотын 10 жилийн дунд сургууль
1995 онд Худалдаа үйлдвэрлэлийн дээд сургууль, эдийн засагч
2000 онд Монгол улсын их сургуулийн Хууль зүйн сургууль, хуульч

АЖИЛЛАСАН БАЙДАЛ:

1996-2015 онд “Оргил” худалдааны төвийн ерөнхий захирал, зөвлөх
2004-2012 онд Баянгол дүүргийн Засаг даргын зөвлөлд зөвлөх
2008-2012 онд Нийслэлийн иргэдийн төлөөлөгчдийн хурлын төлөөлөгч, тэргүүлэгч
2016-2020 онд Монгол Улсын Их Хурлын гишүүн
2016-2019 онд Жижиг, дунд үйлдвэрлэлийн хөгжлийн дэд хорооны дарга
2019-2020 онд Монгол Улсын Их Хурлын Эдийн засгийн байнгын хорооны дарга
2020 оноос Монгол Улсын Их Хурлын гишүүн
2020 оноос Монгол Улсын Их Хурлын Эдийн засгийн байнгын хорооны дарга

ШИНЭ ЯАМ, ЗАЛУУ САЙД

Засгийн газрын “залуу” гэх тодотголтой гишүүдийн нэг Н.Учрал 1985 онд Улаанбаатар хотод төрсөн. Тэрбээр 2016 оноос хойш Монгол Улсын Их хурлын гишүүнээр хоёр дахь удаагаа сонгогдон ажиллаж байна. Цахим хөгжлийн тухай тууштай ярьсаар ирсэн түүнийг Цахим хөгжил, харилцаа холбооны сайдаар томиллоо.

БОЛОВСРОЛ:

2003 онд Их Засаг лицей сургууль, бүрэн дунд боловсрол эзэмшсэн,
2007 онд Их засаг олон улсын их сургууль, эрх зүйч мэргэжлээр төгссөн.
2010 онд Их Британийн Глоустершер их сургууль, Лимкоквин их сургуулийн Англи улсын Лондон хотын салбарт бизнесийн удирдлагын магистр хамгаалсан,
2012 онд Монгол улсын Боловсролын их сургууль, түүхийн ухааны магистрын зэрэгтэй,
2013 онд ОХУ-ын Шинжлэх ухааны академийн Сибирийн салбар, Түүхийн ухааны докторын зэрэг хамгаалсан.

АЖИЛЛАСАН БАЙДАЛ:

2007-2008 онд “Их засаг” олон улсын их сургуулийн ТУЗ-ийн дэд дарга
2010-2016 онд Рояаль Академи, Рояаль олон улсын дээд сургуулийн үүсгэн байгуулагч, ерөнхий захирал.
2012-2014 онд Нийслэлийн Монгол ардын намын хорооны улс төрийн хэлтсийн дарга,нийслэлийн БЗД-ийн Иргэдийн Хурлын төлөөлөгч.
2015 онд Засгийн газрын Хэрэг эрхлэх газарт Монгол улсын Шадар сайд У.Хүрэлсүхийн ажлын алба, Шадар сайдын олон нийттэй харилцах бодлогын зөвлөх.
2016 онд Улсын Их Хурал дахь Монгол ардын намын /МАН/ бүлгийн зөвлөх.
2010 оноос Монголын Франчайзингийн Ассоциацийн ерөнхийлөгч,
2015 оноос МАН-ын дэргэдэх НАМЗХ-ны Дэд ерөнхийлөгч, 2019 оноос Ерөнхийлөгч,
2015 оноос “Yes Mongolia” Монголын залуу багш нарын холбооны ерөнхийлөгч,
2016 онд, 2020 онд Монгол Улсын Их Хурлын гишүүнээр Сонгино хайрхан дүүргийн 72 дугаар тойргоос хоёр удаа сонгогдсон.
2020 оноос Монгол Улсын Их хурлын Инновац, цахим бодлогын байнгын хорооны дарга.

ЗАМ, ТЭЭВРИЙН ХӨГЖЛИЙГ С.БЯМБАЦОГТ ХАРИУЦНА

Зам, тээврийн хөгжлийн сайдаар Сандагийн Бямбацогт томилогдлоо. Хуульч, эрх зүйч, эдийн засагт мэргэжилтэй, өдгөө 48 настай С.Бямбацогт 2016- 2017 онд Хууль зүй, дотоод хэргийн сайдын албыг хашиж байсан юм. Монгол Улсын зам, тээврийн хөгжил тэр дундаа ард иргэдийн анхаарлын төвд асуудал болоод удаж буй Дарханы замын бүтээн байгуулалтыг хэр урагштай гүйцэтгэх нь түүнээс шалтгаалахаар боллоо.

БОЛОВСРОЛ

1982-1992 Ховд аймгийн Жаргалант сумын 2-р 10 жилийн сургууль /Бүрэн дунд боловсрол/
1997-1999 Санхүү эдийн засгийн дээд сургууль /Эдийн засагч, бизнесийн удирдлагын бакалавр/
2002-2005 Нидерланд Улсын Маастрихтын Их сургууль /Эдийн засагч, бизнесийн удирдлагын магистр/
2009-2014 Монгол Улсын Их сургуулийн Хууль зүйн сургууль /Хуульч, эрх зүйч/
2014-2016 Монгол Улсын Их сургуулийн Хууль зүйн сургууль /магистр/

АЖИЛЛАСАН БАЙДАЛ

1998 – 2000 онд “Ховдын өргөө” ХХКомпанийн ерөнхий захирал
2000 – 2006 онд “Нью Прогресс” ХХКомпанийн захирал
2006 – 2008 онд “Нью Прогресс” группийн Төлөөлөн удирдах зөвлөлийн дарга
2008 онд “Нью Прогресс” группийн Ерөнхийлөгч
2008 – 2012 онд Монгол Улсын Их Хурлын гишүүн
2012 – 2016 онд Монгол Улсын Их Хурлын гишүүн
2013 – 2016 онд Монгол Улсын Их Хурал дахь Монгол Ардын Намын бүлгийн дарга
2016 оноос Монгол Улсын Их Хурлын гишүүн
2016- 2017 онд Монгол Улсын Засгийн газрын гишүүн, Хууль зүй, дотоод хэргийн сайд
2019-2020 онд Монгол Улсын Их хурлын Төрийн байгуулалтын байнгын хорооны дарга
2020 оноос Монгол Улсын Их хурлын Хууль зүйн байнгын хорооны дарга

ЗАМ, ТЭЭВРИЙН ХӨГЖЛИЙН САЙДАД Б.ЧОЙЖИЛСҮРЭНГ ТОМИЛЛОО

2008 онд УИХ-ын гишүүнээр сонгогдож, өнөөг хүртэл 14 жил гишүүний албан тушаалаас буугаагүй яваа Б.Чойжилсүрэн өмнө нь буюу 2016-2017 онд Сангийн сайдаар ажиллаж байжээ.

БОЛОВСРОЛ

1988 онд Увс аймгийн Улаангом хотын 10 жилийн 2 дугаар дунд сургууль
1993 онд ОХУ-ын Екатеринбург хотын Уралын политехникийн дээд сургууль Автоматикч телемеханикч мэргэжлээр тус тус төгссөн

АЖИЛЛАСАН БАЙДАЛ

1993-1995 онд ОХУ-ын Екатеринбург хотын “СП-Каман” компаний захирал
1995-1999 онд “Хурд Ч” ХЭАА-н захирал1999-2006 онд “Хурд Хүнс” ХХК-ий захирал
2006-2008 онд Монгол Улсын Ерөнхийлөгчийн Тамгын газрын дэд дарга
2008-2012 онд Монгол Улсын Их Хурлын гишүүн
2012-2016 онд Монгол Улсын Их Хурлын гишүүн
2016-2017 онд Монгол Улсын Засгийн газрын гишүүн, Сангийн сайд
2016-2020 Монгол Улсын Их Хурлын гишүүн
2020 оноос Монгол Улсын Их Хурлын гишүүн Үйлдвэржилтийн бодлогын байнгын хорооны дарга

НИЙСЛЭЛИЙН АСУУДАЛ ХАРИУЦСАН САЙД Ж.СҮХБААТАР

Нийслэлийн асуудал эрхэлсэн сайдаар Жамъянхорлоогийн Сүхбаатар томилогдлоо. Тэрээр хуульч, эрх зүйч мэргэжилтэй, 2006-2008 онд Засгийн газрын Хэрэг эрхлэх газрын Тэргүүн дэд дарга, 2008 болон 2020 онд УИХ-ын гишүүнээр сонгогдон ажиллаж байна.