Өнөөдөр олон улсын сувилагчдын өдөр тохиож буй.
Эрүүл Мэндийн Хөгжлийн Төвөөс мэдээлснээр манай улсад 13,947 сувилагч ажиллаж байна.
Манай улсад харшлын чиглэлээр мэргэшсэн ердөө долоон сувилагч байдаг аж. Мөн арьсны 86, хөнгөвчлөх эмчилгээний 94, эх, хүүхдийн 114, нүдний 115 сувилагч байгаа бөгөөд дийлэнх нь ерөнхий мэргэжлээр мэргэшжээ.
Сувилагч нарын 3.7 хувь нь эрэгтэй, 29.2 хувь нь 30-39 насныхан байна.
Өнгөрсөн оны эцсээр 10,000 хүн амд ногдох сувилагчийн тоо улсын дунджаар 40.3 байна. Улаанбаатарт уг үзүүлэлт 46.2 байгаа бол орон нутагт 33.9-38 байгаа юм.
Бусад улсын 10,000 хүн ам тутамд ногдох сувилагчийн тоог Дэлхийн Эрүүл Мэндийн Байгууллагын мэдээлснээс харахад, Финландад 223, АНУ-д 120 гаруй, Австралид 150 орчим, Японд 120 гаруй, Казахстанд 120 гаруй зэрэг байна.
