УИХ-ын чуулганы өнөөдрийн хуралдаан эхэллээ. Хуралдаанаар хүүхэд хамгааллын асуудлыг хэлэлцэж байна.
- Өнөөдөр хэлэлцэх асуудлын тов:
- “Төрөөс мөнгөний бодлогын талаар 2024 онд баримтлах үндсэн чиглэл батлах тухай” Улсын Их Хурлын тогтоолын төсөл /Монголбанк 2023.09.25-ны өдөр ирүүлсэн, хэлэлцэх эсэх/
- Зохицуулах үйлчлэлтэй хүнсний тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2022.04.14-ний өдөр өргөн мэдүүлсэн, хэлэлцэх эсэх/
- Монгол Улсын Үндсэн хуулийн цэцийн 2023 оны 05 дугаар дүгнэлт
- Улсын дээд шүүхийн шүүгчид нэр дэвшигчтэй танилцах
- Ерөнхий сайдын мэдээлэл: Шинэ сэргэлтийн бодлогод тусгагдсан зам, тээврийн салбарын төсөл, арга хэмжээний хэрэгжилтийн талаар
УИХ-ын гишүүд чуулганы хуралдаантай холбоотой асуулт асууж, үг хэлж байна.
УИХ-ын гишүүн Б.Бат-Эрдэнэ: Сүүлийн 30 жилд монголын нийгэм юу болчхов оо. Шилэн саванд 100 хар, 100 улаан шоргоолж хийхэд зүгээр дор бүрнээ хэвийн байдаг, сэгсэрчихвэл нэгний барьж иддэг. Тэрэнтэй адилхан сэгсрээд байгаа хүмүүс нь төрд байгаа бид нар байна.
УИХ-ын гишүүн Д.Сарангэрэл: Хүчирхийллээс хамгаалах байрны төсөвт мөнгө нэмэхгүй бол дан хандив тусламжаар аргалж байна. Хэдэн хүчирхийлэлд өртсөн хүүхэд, эмэгтэйчүүдээс мөнгөө харамлаад байх юм. Хүүхэд гэмт хэрэгт өртөхөд л бид бөөнөөрөө гэнэт ухаан ордог, ярьдаг. Тэгээд л намжчихдаг. Гадны орнуудад хэрэглэж байгаа жишээг харах хэрэгтэй байна. Энэ төрлийн гэмт хэрэг үйлдсэн хүмүүсийг тусгай бугуйвч зүүлгэн, явах тойргийг тогтоож өгдөг. Бүр зарим улс энэ төрлийн гэмт хэрэгтэнд химийн аргаар ажиллагаагүй болгох гэх мэт аргууд байна. Энэ мэтчилэн аргуудыг та бүхэн судалсан уу. Камержуулалтын ач холбогдлыг мэдэж байгаа тул эмэгтэй гишүүд төсөвт нэмэх ажлыг дэмжинэ. Бага насны хүүхдийг хүчирхийлсэн этгээдэд уучлал үзүүлдэггүй, магадлангаар сулладаггүй байх гэх мэт өөрчлөлтийг хийх хэрэгтэй байна. Хуулийнхан минь ийм төсөл оруулаад ирээч ээ, УИХ-ын гишүүн 13 эмэгтэй төслийг нь бариад ажил хэрэг болгоод батлуулъя. Бид халгалсаар байгаад л хүүхдээ хамгаалж чадахгүй өнгөрөх нь.
ХЗДХ-ийн сайд Б.Энхбаяр: Хүүхдийн асуудлыг шинжлэх ухааны үндэстэй харах ёстой. Айхтар олон нийтэд хүүхдийн зураг хөргийг гаргахыг би огтхон ч хүлцдэггүй. Хүн бүрийг уриалмаар байна.
ХЗДХ-ийн сайд Б.Энхбаяр:
Эрүүгийн хуульд өөрчлөлт оруулаад, бага насны хүүхдийн эсрэг үйлдсэн гэмт хэргийн ялын бодлогыг чангатгах чиглэлд гурван бодлогыг өнгөрсөн хавар УИХ-д өргөн барьсан байгаа.
Нэгдүгээрт, бага насны хүүхдийг хүчирхийлсэн этгээдэд өршөөл, уучлал үзүүлэхгүй, магадлангаар суллахгүй гэдэг хуулийн төсөл өргөн баригдсан байгааг шууд баталъя.
