Томуу, томуу төст өвчний нөхцөл байдлын талаар ХӨСҮТ-ийн Томуугийн үндэсний төвийн Тандалт судалгааны албаны дарга, доктор А.Бурмаа мэдээлэл өглөө. Тэрээр “Сүүлийн долоо хоногт амбулаториор 200 гаруй мянган хүн үйлчлүүлсэн байна. Тэдний 5.4 хувь нь томуу, томуу төст өвчнөөр оношлогдсон. Түүнчлэн арван мянган хүний 36 нь томуу, томуу төст өвчнөөр өвчилсөн гэсэн мэдээ байна. Энэ нь өнгөрсөн долоо хоногийнхоос нэмэгдсэн үзүүлэлт юм. Нийт түргэн тусламжийн дуудлагын 16 орчим хувийн томуугийн шалтгаанд дуудлага эзэлж байна.
Эмнэлэгт амьсгалын замын хүнд өвчний улмаас хэвтсэн хүмүүсийн эзлэх хувьд 16.3 хувь байна. Энэ нь өнгөрсөн долоо хоногийнхоос тав орчим хувиар нэмэгдсэн үзүүлэлт. Насны хувьд, 15 хүртэлх насныхан 84 хувийг, үүнээс 60 гаруй хувийг нь дөрөв хүртэлх насныхан байна. Бага насны хүүхдүүд хүндрэх эрсдэл нэмэгдэж байна. Дэгдэлтийн тархалтын түвшинг хүндрэлийн үнэлгээрээ үнэлж үзсэн. Томуугийн халдвар нэмэгдэх хандлагатай байна.
Вирус судлалтын лабораторийн тандалтыг хийсэн. Үүнээс үзэхэд SARS болон Covid19 халдвар илэрч байна. Түүнчлэн бага насны хүүхдэд амархан хүндэрдэг хамын ханиад эзэлж байна. Бид томуу томуу төст өвчин нэмэгдэж байгаа энэ үед вакцинжуулалт нэн чухал. Нийт 300 мянган хүн тун вакцин татан авсан. Вакжинжуулалтын хувь 80-90 хувь байна” гэлээ.
