Засгийн газраас өнгөрсөн аравдугаар сард Эрүүгийн хуульд нэмэлт, өөрчлөлт оруулах хуулийн төслийг УИХ-д өргөн мэдүүлж, батлуулсан. Ингэхдээ согтуугаар тээврийн хэрэгсэл жолоодох, бага насны хүүхдийг хүчиндэх, хүчирхийллийн гэмт хэрэгт оногдуулах ялын бодлогыг чангатгасан.
Уг хуулийн өөрчлөлтийг дагалдуулан Зөрчлийн хуульд нэмэлт, өөрчлөлт оруулсан билээ. Замын хөдөлгөөний дүрэм зөрчсөн ч торгуулиа төлөхгүй олон жил явах, цаашлаад давтан зөрчил гарган замын хөдөлгөөнд оролцож явахдаа маш ноцтой осол аваар гаргадаг тохиолдол цөөнгүй бүртгэгдэг. Иймд торгууль шийтгэлийг хуулийн хугацаандаа төлбөл нийт торгуулийн хэмжээг 50 хувиар бууруулж тооцох заалтыг хуульд оруулсан. Харин эсрэгээрээ торгуулиа хуулийн хугацаанд төлөөгүй бол итгэлцлүүрээр нэмэгдэж явсаар жилийн эцэст нийт торгууль нь 50 хувиар нэмэгдэх зохицуулалттай болсон. Хэрвээ жилийн эцэст торгуулиа төлөөгүй бол тээврийн хэрэгслийг нь хөдөлгөөнд оролцуулахгүй цаашлаад төрийн зарим үйлчилгээ авахгүй эрхгүй болохоор Зөрчлийн тухай хуульд нэмэлт өөрчлөлтөөр тусгасан юм.
Зөрлийн тухай хуульд оруулсан нэмэлт, өөрчлөлт
2/3.4 дүгээр зүйлийн 8, 9 дэх хэсэг:
“8.Зөрчил үйлдсэн хүн, хуулийн этгээд нь эрх бүхий этгээдээс оногдуулсан торгох шийтгэлийг хуульд заасан хугацаанд биелүүлээгүй бол тусгай зөвшөөрөл, зөвшөөрөл хүсэх, сунгах, тендер шалгаруулалтад оролцох, төрийн жинхэнэ албаны шалгалт өгөх, үндэсний гадаад паспорт авах, тээврийн хэрэгсэл жолоодох эрхийн үнэмлэх авах, сунгах, ангилал нэмэх, өөрчлөх, шинээр авах, тээврийн хэрэгслийн эзэмшлийн шилжилт хөдөлгөөн хийх эрхийг хязгаарлана.
9.Энэ хуулийн энэ зүйлийн 8 дахь хэсэгт заасан эрхийг хязгаарлах, эрх бүхий албан тушаалтан, шүүх болон эрх бүхий байгууллага хооронд мэдээлэл солилцох журмыг Улсын ерөнхий прокурор, хууль зүйн асуудал эрхэлсэн Засгийн газрын гишүүн хамтран батална.”
3/3.5, 3.6 дугаар зүйл:
”3.5 дугаар зүйл.Торгох шийтгэлийн хэмжээг хөнгөрүүлэх, нэмэгдүүлэх үндэслэл
1.Зөрчил үйлдсэн хүн, хуулийн этгээд нь эрх бүхий албан тушаалтан, шүүхээс оногдуулсан торгох шийтгэлийг хуулиар тогтоосон хугацаанд биелүүлэх бол шийтгэлийн хэмжээг тавин хувиар хөнгөрүүлнэ.
2.Энэ зүйлийн 1 дэх хэсэгт заасан шийтгэлийн хэмжээг хөнгөрүүлсэн нь зөрчил үйлдсэн хүн, хуулийн этгээдэд албадлагын арга хэмжээ авахгүй байх үндэслэл болохгүй.
3.Энэ зүйлийн 1 дэх хэсэгт заасны дагуу шийтгэлийн хэмжээг хөнгөрүүлэх үндэслэл нь 5.5, 5.9, 5.13 дугаар зүйлийн 4 дэх хэсэг, 5.14 дүгээр зүйлийн 6 дахь хэсэг, 5.17, 5.18, 6.5, 6.7, 6.8, 6.9, 6.16, 6.17, 7.1, 7.2, 7.3, 7.4, 7.5, 7.6, 7.7, 7.8, 7.9, 7.10, 7.11, 7.12, 7.13 7.14, 7.15, 7.16, 8.7, 9.3, 9.4, 9.8, 9.9, 9.10, 9.11, 9.12, 10.2, 10.3, 10.5, 10.6, 10.7, 10.8, 10.14, 10.20, 10.24, 10.25, 10.30, 11.9, 14.2, 14.4, 14.8, 15.3, 15.4, 15.5, 15.6, 15.7, 15.9, 15.10, 15.11, 15.13, 15.18, 15.26, 15.29, 15.30, 15.33, 15.34, 16.1 дүгээр зүйлд заасан зөрчил үйлдсэн хүн, хуулийн этгээдэд хамаарахгүй.
4.Эрх бүхий албан тушаалтнаас оногдуулсан торгох шийтгэлийн энэ хуульд заасан хугацаанд биелүүлээгүй бол шийтгэлийн хэмжээг тавь хүртэл хувиар нэмэгдүүлнэ.
5.Энэ зүйлийн 4 дэх хэсэгт заасны дагуу торгох шийтгэлийг нэмэгдүүлж тооцох хугацаа, аргачлалыг Улсын ерөнхий прокурор, хууль зүйн асуудал эрхэлсэн Засгийн газрын гишүүн хамтран батална.
6.Шүүх, эрх бүхий албан тушаалтан торгох шийтгэлийг нэг жил хүртэл хугацаанд хэсэгчлэн төлүүлэхээр шийдвэрлэсэн бол энэ зүйлийн 1, 4 дэх хэсэг хамаарахгүй.
