Дональд Трампыг Пенсильвани мужийн Батлер хотод сонгуулийн сурталчилгаагаа хийж байх үеэр буун дуу гарчээ.
Буудах чимээ гарах үед Трамп эхлээд тайзан дээр унасан бөгөөд дараа нь тусгай албаныхан түүнийг нүүлгэн шилжүүлэх үед нүүр нь цустай харагдаж байлаа. Энэ үеэр тэр сонгогчид руу зангидсан нударгаа харуулан орилж байсан юм.
Трампыг тайзан дээр үг хэлж эхлээд удаагүй байхад буу дуу гарчээ.
АНУ-ын тусгай албаны хэвлэлийн төлөөлөгч Энтони Гуглелми “Энэ явдал долдугаар сарын 13-ны орой Пеннсильванид болсон Трампын уулзалтын үеэр боллоо. Тусгай алба хамгаалах арга хэмжээ авсан бөгөөд ерөнхийлөгч асан эсэн мэнд байгаа. Одоо бид хэргийг мөрдөн шалгаж байна. Олдсон мэдээллийг тухай бүрд нь өгөх болно” гэж мэдэгджээ.
АНУ-ын ерөнхийлөгч Жо Байден болсон явдлын талаар мэдээлэл авсныг Цагаан ордноос Бүгд Найрамдах Намын лидерүүд Трампын эрүүл мэндэд санаа зовж байгаагаа илэрхийлсэн байна.
Трампын хэвлэлийн төлөөлөгч Стивен Чун “Ерөнхийлөгч Трамп энэхүү бусармаг үйлдлийн үеэр шуурхай арга хэмжээ авсан хууль сахиулах байгууллага болон яаралтай тусламжийн ажилтнуудад талархаж байна. Түүний биеийн байдал сайн бөгөөд орон нутгийн эмнэлэгт үзүүлж байгаа. Дэлгэрэнгүй мэдээллийг удахгүй өгөх болно” гэж мэдэгдсэн байна.
Эх сурвалж: CNN
