Иргэдийн амьдралд хамгийн ойр, үл хөдлөх хөрөнгийн зах зээл бол орон сууцны зах зээл юм. Эдийн засаг нь өндөр өсөлттэй, хөгжиж буй орнуудын хувьд байрны үнэ дунд болон урт хугацаандаа гарцаагүй өссөөр байдаг билээ. Харин 2017 оны энэ үед байр худалдан авах нь худалдан авагчдад ашигтай тусах магадлалтай байна. Ингээд та бүхэнд яг одоо байр худалдан авахад давуу талтай болохыг харуулсан 3 шалтгааныг дор дурдъя.
1. Худалдан авагчдад сонголт өргөн байна
Ерөнхийдөө өнгөрсөн жил үмүүсийн худалдан авах чадвар эрс буурсан учир шинээр баригдсан байрнуудад сонголт олон байна. Тиймээс худалдан авагчид яг одоо өөрсдийн хүссэн загварын байрыг худалдан авахад нэн таатай нөхцөл бүрдээд байгаа юм.
![\"\"](http://undesten.mn/uploads/posts/2017-04/1492746080_ub.jpg "\\"\\"")
2. Барилгын компаниуд хамгийн доод үнийг тогтоож байна
Барилга байгууламж бариулж буй компаниуд ихэвчлэн банкнаас зээл авч үл хөдлөх, орон сууцыг барьдаг. Харин яг одоо төрөөс 8%-ийн санхүүжилт зогссон байгаа энэ цаг үед барилгын компаниуд зах зээлд байж болох хамгийн доод үнээр орон сууцнуудыг нийлүүлж байна. Тиймээс нэг талдаа санхүүгийн хямрал тохиож буй энэ үед байр худалдан авбал ирээдүйд өсөн нэмэгдэх хөрөнгийн нэг болох болно.
![\"\"](http://undesten.mn/uploads/posts/2017-04/1492746055_55.jpg "\\"\\"")
3. Одоо худалдан авсан байрны үнэ ирээдүйд өсөн нэмэгдэнэ
Дээр дурдсанчлан хямралаас үүдэлтэйгээр Монгол улсын эдийн засаг макро орчиндоо уналтад орсон энэ үед барилгын компаниуд орон сууцны үнээ бууруулсан байгаа. Харин ийнхүү хямдарсан байгаа үед нь худалдан авалт хийвэл таны авсан үл хөдлөхийн үнэ эдийн засаг сайжрах тутам улам өсөн нэмэгдэж та ирээдүйд одоо худалдан авснаасаа илүү их үнээр борлуулах боломжтой болж байгаа юм.
![\"\"](http://undesten.mn/uploads/posts/2017-04/1492746134_value.jpeg "\\"\\"")
